Կոլումբիական բանակը կալանավորել է երեք թմրավաճառների, որոնք օվկիանոսում հոսանքով լողացել են մուգ գույնի փաթեթների վրա, որոնց մեջ ավելի քան մեկ տոննա մաքուր կոկաին է գտնվել, հայտնում է Reuters-ը։
Իշխանությունների տվյալներով, մաքսանենգների նավը խորտակվել է շաբաթ օրը։ Այն մեծ ալիքի տակ է անցել եւ շրջվել է։ Փրկարարական նավակներ կամ փչովի օղակներ չեն գտնվել, ստիպված են եղել բավարարվել լողալու իմպրովիզացիոն միջոցով։
Նավաբեկության զոհերին հանել են ցամաք, որտեղ նրանց անհրաժեշտ օգնություն են ցուցաբերել։ Այժմ մաքսանենգներին դատական գործընթաց է սպասում՝ նրանց արդեն մեղադրանքներ են ներկայացվել։