Ազգային ժողովի նախագահ Արարատ Միրզոյանի հրավերով Հայաստան են ժամանել ԱՄՆ կոնգրեսականներ Ջեքի Կանչելյան-Սպիրը եւ Ջուդի Չուն:

Նրանք կմասնակցեն WCIT-2019 քննարկումներից մեկին։

WCIT 2019-ը կանցկացվի Երեւանում 2019 թվականի հոկտեմբերի 6-9-ը: Հայաստանում համաժողովն անցկացվում է Հայաստանի Հանրապետության կառավարության աջակցությամբ եւ բարձր հովանու ներքո: Տեղեկատվական տեխնոլոգիաների համաշխարհային կոնգրեսը (WCIT) նախաձեռնվել է Տեղեկատվական տեխնոլոգիաների եւ ծառայությունների համաշխարհային միության կողմից (WITSA): Դրա հիմնական կազմակերպչական մարմինը Առաջադեմ տեխնոլոգիաների ձեռնարկությունների միությունն է (UATE):