Նեղոս գետի ափին հնագետները հայտնաբերել են 2200-ամյա հնագույն տաճար, որը թվագրվում է փարավոն Պտղոմեոս Չորրորդի ժամանակաշրջանին, գրում է Independent-ը:
Ինչպես հաղորդում է պարբերականը՝ հղում կատարելով Եգիպտոսի հնությունների նախարարությանը, տաճարը հայտնաբերվել էր Կոմ Շակու գյուղում շինարարական աշխատանքների ժամանակ, երբ տեղադրվում էր կոյուղու համակարգը:
Երբ հնագետները սկսել էին պեղումները, շինարարական աշխատանքները դադարեցվել էին:
Գիտնականների գտածոների շրջանում եղել են «Պտղոմեոս Չորրորդ» գրառմամբ սալիկներ, ինչպես նաեւ խորաքանդակներ Խափի աստծո պատկերով, որը մարմնավորում է Նեղոսի ամենամյա վարարումը՝ թռչուններով եւ կենդանիներով շրջապատված: