Կոտայքի մարզում, այսօր՝ հոկտեմբերի 7-ին, խոշոր ավտովթար է տեղի ունեցել. ժամը 08:20-ի սահմաններում Mitsubishi մակնիշի 35 VՍ 173 համարանիշի ավտոմեքենայի վարորդը Երեւան-Սեւան ավտոճանապարհի 43-րդ կմ հատվածում՝ դեպի Երեւան ընթանալիս, դուրս է եկել ճանապարհի երթեւեկելի գոտուց, բախվել երկաթե արգելապատնեշներին, այնուհետեւ բախվել մի քանի հաստաբուն ծառերի, արմատախիլ արել դրանք եւ կողաշրջված վիճակում հայտնվել ձորակում:
Shamshyan.com-ի հաղորդմամբ, վթարի հետեւանքով վարորդը մարմնական վնասվածքներով տեղափոխվել է «Հրազդան» բժշկական կենտրոն:
Հետաքննիչի հանձնարարականով ավտոմեքենան, որը վերամբարձ կռունկով դուրս է բերվել ձորակից, տեղափոխվել է ոստիկանության Հրազդանի բաժնի պահպանվող հատուկ տարածք: Ոստիկանությունը պարզում է վարորդի ինքնությունը: