Ես կմեկնեմ Գերմանիա մի քանի օրով եւ կվերադառնամ: Այս մասին, այսօր՝ հոկտեմբերի 7-ին, դատարանում լրագրողների հետ զրույցում նշեց պաշտպանության նախկին նախարար, Քոչարյանի եւ մյուսների գործով ամբաստանյալ Սեյրան Օհանյանը:
Հարցին, թե մեկնելու է Գերմանիա բուժմա՞ն, նա պատասխանեց. «2011 թվականին ձեռք եմ բերել պրոթեզ, նվիրել են եւ դրանից հետո 3 անգամ մեկնել եմ՝ 2 տարին մեկ. այնպիսի պրոթեզ է, որի սպասարկումն իրականացվում է միայն ու միայն Գերմանիայում: Ես կմեկնեմ մի քանի օրով եւ կվերադառնամ:
Վաղը գնալու եմ Գերմանիայի դեսպանատուն, կարծում եմ, որ այն փաստաթղթերով, որոնք ներկայացնում եմ, թույլտվություն կստանամ»: