Շահագործման է հանձնվել Ադրբեջանի պետական սահմանային ծառայության «Շամքիր» ջոկատի «Քեշըկչի գալա» սահմանային անցակետը։ Այս մասին հայտնում են ադրբեջանական ԶԼՄ-ները։
Ինչպես ասվում է հաստատության տարածած հաղորդագրության մեջ, համալիրի բացման արարողության ժամանակ նշվել է, որ «Կիշիկչիդաք» պատմամշակութային արգելոցի տարածքում անցակետի տեղակայումը նպատակ ունի պահպանել ադրբեջանցի ժողովրդի պատմամշակութային ժառանգությունը»։
Հիշեցնենք, որ խոսքը Դավիթ Գարեջիի վանական համալիրի մասին է։ Վրաստանն ու Ադրբեջանը վիճարկում են համալիրի տարածքային պատկանելությունը, եւ նույնիսկ նրանց միջեւ մի քանի միջադեպեր են տեղի ունեցել։
