News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

ԱՄՆ եւ Թուրքիայի նախագահներ Դոնալդ Թրամփի եւ Թայիփ Էրդողանի հեռախոսային բանակցությունները կիրակի օրն այնպես չեն անցել, ինչպես նախատեսված էին, եւ անհապաղ հանգեցրել են այն բանին, որ հրաման է տրվել ամերիկյան զորքերը դուրս բերել Սիրիայի հյուսիս-արեւելքում Անկարայի գործողության գոտուց։ Այս մասին տեղեկացրել է NBC ամերիկյան հեռուստաընկերությունը՝ հղում կատարելով Միացյալ Նահանգների գործող եւ նախկին պաշտոնյաներին, տեղեկացնում է ՏԱՍՍ-ը։

Նրանց տեղեկություններով՝ Էրդողանը խիստ բացասաբար է ընկալել այն, որ ամերիկացիները նրա համար առանձնազրույց չեն կազմակերպել Թրամփի հետ Նյու Յորքում անցած ամիս ՄԱԿ Գլխավոր վեհաժողովի շրջանակում։ Թուրքիայի նախագահը տեղեկացրել է Վաշինգտոնին, որ դժգոհ է այդ հանգամանքից։ «Նա (Էրդողանը) իսկապես խոցվել էր։ Իսկ Թրամփը փորձել է հարթել դա»,- բացատրել է հեռուստաընկերության աղբյուրներից մեկը՝ նկատի ունենալով ԱՄՆ նախագահի առաջարկը՝ Թուրքիայի նախագահի հետ Սպիտակ տանը նոյեմբերին հանդիպելու մասին։

Հրապարակման համաձայն՝ կիրակի հեռախոսով բանակցությունների ժամանակ Էրդողանն ասել է, որ Սիրիա թուրքական զորքեր մտցնելու պլաններն անփոփոխ են, անգամ Թրամփի առաջարկը Վաշինգտոնում հանդիպելու մասին չի փոխել նրա զրուցակցի վճռականությունը։ ԱՄՆ նախագահն ասել է, որ չափավոր ներխուժումը, օրինակ՝ անվտանգության գոտու ստեղծումը Եփրատ գետից արեւելք, միանգամայն թույլատրելի է, բայց կտրականապես դեմ է արտահայտվել ուժեղացված զինվորական գործողությանը։ Թրամփը Էրդողանին նախազգուշացրել է. որ այդ դեպքում ԱՄՆ-ը լրիվ դուրս կբերի զորքերը Սիրիայից։

Ինչպես հավաստիացնում են  հեռուստաընկերությունները, հեռախոսազրույցից անմիջապես հետո Սպիտակ տան աշխատակազմի ղեկավարի պաշտոնակատար Միք Մալվենին զանգահարել է ԱՄՆ պաշտպանության նախարար Մարկ Էսփերին եւ նրան տեղեկացրել պետության ղեկավարի որոշման մաին։ Այն, հեռուստաընկերության տվյալներով, հանկարծակիի է բերել սպիտակ տանը, պետդեպարտամենտին, Պենտագոնին, «Սիրիայի դեմոկրատական ուժեր» կոալիցիային, ԱՄՆ դաշնակիցներին Եվրոպայում եւ Մերձավոր Արեւելքում։

Էրդողանը հոկտեմբերի 1-ին տեղեկացրել է, որ Անկարան մտադիր է ինքնուրույն ստեղծել անվտանգության գոտի Սիրիայում Եփրատ գետից արեւելք, քանի որ չի կարողացել ցանկալի արդյունքի հասնել Թրամփի հետ հեռախոսզարույցում։ Հոկտեմբերի 6-ին Էրդողանը հեռախոսազրույց է ունեցել Թրամփի հետ, որի արդյունքներով Սպիտակ տունը տեղեկացրել է, որ Վաշինգտոնը չի աջակցի եւ որեւէ կերպ չի մասնակցի Թուրքիայի ռազմական գործողությանը Սիրիայի հյուսիսում, իսկ ամերիկացի զինվորականները մոտ չեն գտնվի դրա իրականացման վայրին։

Հոկտեմբերի 7-ին Թուրքիայի նախագահը տեղեկացրեց, որ Միացյալ Նահանգները սկսել է դուրս բերել զորքերը Սիրիայի հյուսիս-արեւելքից, որտեղ Անկարան մտադիր էր անվտանգության գոտու ստեղծման գործողություն իրականացնել։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գերմանիայի կառավարությունը ոչ լեգիտիմ է անվանել Թուրքիայի ներխուժումը Սիրիայի հյուսիս-արեւելք
Թուրքիայի, ՌԴ-ի եւ Իրանի գործողությունները Սիրիայում գլխավոր գործոն կդառնան հանրապետության համար․ Էրդողան
«Մենք կգործադրենք բոլոր հնարավոր ջանքերը հարեւան Սիրիայում կայունության եւ բարգավաճման ապահովման համար․․․
Պուտինը Իրանի եւ Թուրքիայի ղեկավարներին առաջարկել է քննարկել Սիրիայում ահաբեկիչների դեմ պայքարի նոր միջոցառումները
Այսօրվա տեսակոնֆերանսի գլխավոր նպատակներից մեկն է միասին վերլուծել այդ երկրում ընթացիկ իրադրությունը…
ԱՄՆ-ն օգտագործում է Սիրիայի բնական ռեսուրսները՝ ձևացնելով, որ պայքարում է ահաբեկչության դեմ․ Ռոհանի
«ԱՄՆ օկուպանտ ուժերի անօրինական ներկայությունը Սիրիայում անկայունության գործոն է այս երկրի եւ ողջ տարածաշրջանի համար․․
Ռուսաստանի, Իրանի եւ Թուրքիայի նախագահները համատեղ հայտարարությամբ են հանդես եկել Սիրիայի վերաբերյալ
«Մենք նշել ենք մեր հաստատակամ հավատարմությունը Սիրիայի Արաբական Հանրապետության ինքնիշխանությանը, անկախությանը, միասնությանը եւ տարածքային ամբողջականությանը․․․
Հունիսին Հալեպում 5-րդ խմբի հայ սակրավորները ականազերծել են 2450 քմ ականապատ տարածք
Հունիսի 23-ին Հալեպում տեղակայված ռուսական Հակամարտող կողմերի Հաշտեցման կենտրոնի ղեկավար կազմը եւ Հալեպ նահանգի անվտանգության...
Ամենաշատ