Հայաստանում նոտարին ակնհայտ կեղծ տեղեկատվության տրամադրման համար կարելի է հայտնվել բանտում:

Նոտարին ակնհայտ կեղծ տեղեկատվություն ներկայացնելը կհետապնդվի օրենքով։ Այս մասին խորհրդարանի պետաիրավական հարցերի հանձնաժողովի նիստում, Քրեական օրենսգրքում երկրորդ ընթերցմամբ փոփոխություններ մտցնելու մասին օրինագծի քննարկման ընթացքում, հոկտեմբերի 8-ին ասաց «Լուսավոր Հայաստան» կուսակցության պատգամավոր Տարոն Սիմոնյանը։

Նրա խոսքով՝ նման տեղեկատվության տրամադրման համար քաղաքացին կպատժվի նվազագույն աշխատավարձի 100-300-ապատիկի չափով կամ կձերբակալվի առավելագույնը 3 ամսով, կամ կհայտնվի բանտում 2 տարով։

Օրինագիծը դրական եզրակացություն է ստացել։