ՀՀ երկրորդ նախագահ Ռոբերտ Քոչարյանին հետազոտության նպատակով առավոտյան դարձյալ տեղափոխել են «Իզմիրլյան» բժշկական կենտրոն։ Տեղեկությունը NEWS.am–ի հետ զրույցում հաստատեց ՔԿՀ լրատվական ծառայության պետ Նոնա Նավիկյանը։
Նշենք, որ ՀՀ երկրորդ նախագահը մինչ այս ևս երկու անգամ տեղափոխվել էր «Իզմիրլյան» ԲԿ՝ հետազոտություն անցնելու նպատակով։
Երեկ էլ երկրորդ նախագահի գրասենյակի ղեկավար Վիկտոր Սողոմոնյանը NEWS.am–ին հայտնել էր, որ Ռոբերտ Քոչարյանին հնարավոր է վիրահատեն։
««Չի բացառվում, որ առաջիկա օրերին նախագահը ոչ բարդ վիրահատության ենթարկվի։ Առանձնապես լուրջ խնդիրներ չկան։ Կարծում եմ՝ վիրահատությունից հաշված օրերի ընթացքում պարոն Քոչարյանի առողջությունը լիովին կվերականգնվի»,–ասել էր նա։