Եգիպտոսը, Կիպրոսն ու Հունաստանը դատապարտել են Թուրքիայի անօրինական եւ անընդունելի գործողությունները Կիպրոսի բացառիկ տնտեսական գոտում, հաղորդում է AP-ը:
Եգիպտոսի նախագահ Աբդել Ֆաթահ ալ-Սիսին Կահիրեում հանդիպել է Կիպրոսի նախագահ Նիկոս Անաստասիադեսի եւ Հունաստանի վարչապետ Կիրիակոս Միցոտակիսի հետ:
Երեք երկրների առաջնորդների գագաթաժողովի նպատակն է Միջերկրական ծովի արեւելյան հատվածում էներգետիկ դաշինք ստեղծելը:
Անաստասիադեսը համատեղ ասուլիսի ժամանակ հայտարարել է, որ Կիպրոսը Թուրքիայի ագրեսիան կանգնեցնելու համար հասանելի դիվանագիտական միջոցներ կկիրառի:
Հիշեցնենք, որ Թուրքիան Կիպրոսի բացառիկ տնտեսական գոտի հորատիչ նավեր էր ուղարկել՝ հայտարարելով, որ «պաշտպանում է իր եւ կիպրացի թուրքերի շահերը»:
