News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Իսրայելում հայտնաբերել են տարածաշրջանում հնագույն եւ խոշոր քաղաքի ավերակները։ Դրանք գտնվել են Թել Ավիվից 50 կմ հեռավորության վրա, 5000 տարեկան են, հաղորդում է BBC-ը:

Քաղաքում մոտ 6 հազար մարդ է բնակվել, այն արդեն անվանում են «բրոնզե դարի Նյու Յորք»: Քաղաքում եղել են փողոցներ, թաղամասեր, տաճար եւ բնակչությանը պաշտպանելու համար պարիսպներ: Բացի այդ, հնագետները բացահայտել են, որ այդ վայրում մարդիկ ապրել են նույնիսկ 7000 տարի առաջ:

Իսրայելցի հնագետները վկայում են, որ այն պատմության տվյալ փուլի ամենանշանակալի գյուտն է։ Քաղաքը, որ հայտնի է Էն-Էսուր անվամբ, զբաղեցնում է մոտ 65 հեկտար, ինչը երկու անգամ  մեծ է այդ դարաշրջանի ցանկացած այլ հայտնի բնակավայրից: Իսրայելի հուշարձանների վարչության հաղորդմամբ՝ քաղաքում փողոցներ, նրբանցքներ, բնակելի եւ առեւտրային թաղամասեր են եղել:

Պեղումների ժամանակ հայտնաբերվել են սափորների, գործիքների մոտ 4 մլն բեկորներ, դրանցից շատերը բերվել են Եգիպտոսից, հայտնաբերվել են նաեւ մարդկանց եւ կենդանիների հազվագյուտ արձանիկներ: Բացի այդ, պեղումների վայրում կենդանիների այրված ոսկորներ են հայտնաբերվել, ինչը հիմքեր է տալիս կարծելու, որ այդ վայրում զոհաբերություններ են արվել:

Ամենայն հավանականությամբ, այդ տեղանքը մարդկանց գրավել է ջրի երկու աղբյուրի առկայությամբ: Բացի այդ, քաղաքը շրջապատված է գյուղատնտեսությանը պիտանի հողերով:

Այդ վայրում պեղումները շարունակվում են արդեն 2,5 տարի, հնագետներին օգնում են մոտ 5․000 երիտասարդներ եւ կամավորներ:

Հնագույն քաղաքը պատահաբար է հայտնաբերվել՝ նոր մայրուղու կառուցման ժամանակ: Մայրուղու ուղղությունը փոխվել է՝ հնավայրը չվնասելու համար:   

!
Այս նյութը հասանելի է նաև   Русский
Տպել
Ֆոտոռեպորտաժներ