News
Լրահոս
News
Հինգշաբթի
Հունիս 17
Տեսնել լրահոսը

Ջուլիանիին Հայաստան հրավիրլու որոշման հետեւում կանգնած է Ռուսաստանը, գրում է Polygraph.info-ն:

«Ամերիկայի ձայնի» փոխանցմամբ, սեպտեմբերի 27-ին, Washington Post- ը հաղորդել է , որ ԱՄՆ նախագահ Դոնալդ Թրամփի անձնական փաստաբան Ռուդի Ջուլիանին նախատեսել էր այցելել Երեւան ՝ Եվրասիական տնտեսական միության ֆորումին մասնակցելու համար, սակայն չեղարկել է իր այցն այն բանից հետո, երբ իմացել է, որ միջոցառման կազմակերպման հետեւում կանգնած է Ռուսաստանը:

Սեպտեմբերի 30-ին Ջուլիանիի նախանշված ելույթի օրը, նրա անունը դեռ մասնակիցների ցուցակում էր: Համաժողովին ներկա լրագրողների խոսքով ՝ օրակարգի փոփոխության հետ կապված որեւէ բացատրություն չի տրվել:

Նույն օրը Կրեմլը հայտարարել է, որ Ռուսաստանը որեւէ կապ չունի Ջուլիանիի հրավերի հետ: «Ռուսական կողմը ոչինչ չգիտի Ջուլիանիի մասնակցության կամ դրա չեղարկման մասին», - ասել է նախագահ Վլադիմիր Պուտինի մամլո քարտուղար Դմիտրի Պեսկովը:

Սակայն այդ պնդումն այնքան էլ ճշմարիտ չէ:

Լրագրող Նիլ Հաուերը, ով գտնվում է Երեւանում, Polygraph.info- ին ասել է, որ ՀՀ ԱԳՆ-ն իրեն տեղեկացրել էր, որ ներգրավված չէ Ռուդի Ջուլիանիի հրավերքի հարցում:

«Հայաստանի ԱԳՆ-ից ինձ ասացին, որ իրենք չեն կարող որեւէ տեղեկություն տրամադրել Ջուլիանիի վերաբերյալ, քանի որ նրա հրավերը պաշտոնապես չի ուղարկվել իրենց կողմից, ուստի այն ուղարկվել է ուրիշի կողմից», - ասաց Հաուերը:

Ամեն ինչ վկայում է, որ Ջուլիանիին հրավիրել է Եվրասիական տնտեսական հանձնաժողովը:

Համաժողովի նիստը, որի ժամանակ նախատեսվում էր Ջուլիանիի մասնակցությունը, պետք է վարեր Սերգեյ Գլազեւը, ով Պուտինի խորհրդականն էր 2012 թվականից մինչեւ անցած ամիս: Հոկտեմբերի 1-ին Ռուսաստանը հայտարարեց վերջինիս Եվրասիական տնտեսական հանձնաժողովի ինտեգրման եւ մակրոտնտեսական քաղաքականության նախարարի պաշտոնում նշանակման մասին :

Սերգեյ Գլազեւը առավել հայտնի է Ռուսաստանին եվրո/դոլարային գոտուց կտրելու քայլով ու հակաամերիկյան տնտեսական իր հայացքներով ու հրապարակումներով: Նա նաեւ առաջինն էր, ով հրապարակավ կասկածի տակ առավ Ռուսաստանի բարձրաստիճան պաշտոնյաների հավատարմությունը, որոնց ԱՄՆ-ը չի ընդգրկել այսպես կոչված «Կրեմլի ցուցակի» մեջ: ԱՄՆ ֆինանսների նախարարությունը պատժամիջոցներ է կիրառել Գլազեւի դեմ 2014 թ-ին ՝ Ղրիմի թերակղզին բռնակցելու եւ Ուկրաինայի արեւելքում պատերազմը հրահրելու գործում իր դերակատարության համար:

!
Այս նյութը հասանելի է նաև   English
Տպել
Կարդացեք նաև
Ամբողջը
ՀՀ-ն արձանագրել է քաղաքական ուժեղ կամք ժողովրդավարական հաստատություններ ձևավորելու առումով. Պետդեպի ներկայացուցիչ
Այցի շրջանակում Քրիստիննե Գրիգորյանը հանդիպումներ է ունեցել ԱՄՆ պետքարտուղարի Արևելյան Եվրոպայի և Կովկասի հարցերով փոխտեղակալ…
Պլացդարմ է պատրաստվում. ԱՄՆ-ը շարունակում է Անդրկովկասին մոտենալու ուղեգիծը. «Իզվեստիա»
Հունիսի 14-ին Բրյուսելում տեղի կունենա ՆԱՏՕ գագաթաժողովը...
ԱԻՆ-ում պատրաստվում են Միջազգային զարգացման գործակալության հետ նոր համագործակցության
Իրենց հերթին հյուրերը ներկայացրել են աղետների ռիսկերի նվազեցման ծրագիր, որի…
«Ժողովուրդ». Զավեշտալի իրավիճակ. «ով է» այս պահին Նիկոլ Փաշինյանը
Սակայն Հայաստանի Հանրապետության վարչապետի պաշտոնական primeminister կայքում հունիսի 10-ի ամսաթվով մի հաղորդագրություն է...
Ֆիլիպ Ռիքերը հարգանքի տուրք մատուցեց Հայոց ցեղասպանության զոհերի հիշատակին (ֆոտո)
Այսօր ավելի վաղ վարչապետի պաշտոնակատար Նիկոլ Փաշինյանն է ընդունել Ամերիկայի Միացյալ Նահանգների՝ Եվրոպայի և Եվրասիայի հարցերով...
Նիկոլ Փաշինյանն ընդունել է ԱՄՆ պետքարտուղարի տեղակալի պաշտոնակատար Ֆիլիպ Ռիքերին. Ինչ են քննարկել
Վարչապետի պաշտոնակատարը գնահատանքի խոսքեր է հայտնել Հայոց ցեղասպանությունը պաշտոնապես ճանաչելու և դատապարտելու վերաբերյալ ԱՄՆ...
Ամենաշատ