News
Լրահոս
News
Ուրբաթ
Օգոստոս 07
USD
485.18
EUR
575.37
RUB
6.62
ME-USD
0.02
Տեսնել լրահոսը


Ստվերի դեմ պայքարի հետ կապված մենք ունենք ե՛ւ լավ, ե՛ւ վատ նորություններ։ Այս մասին այսօր՝ հոկտեմբերի 9-ին, «Ինչ անել-2. տնտեսական հեղափոխություն՝ ընկալումը եւ գործարկումը» խորհրդաժողովին ասաց ՀՀ վարչապետ Նիկոլ Փաշինյանը։

«Լավ նորությունն այն է, որ Արժույթի միջազգային հիմնադրամը նախորդ տարիներին ընդունված իր զեկույցներից մեկում արձանագրել է, որ որպես ստվերի կրճատման ցուցանիշ եթե ՀՀ-ում հարկեր/ՀՆԱ ցուցանիշը տարեկան 0.3 տոկոսի շարժ ունենա , դա կհամարվի լավագույն հաջողությունը ՀՀ-ի համար։ Այսօրվա վիճակով  հարկեր/ՀՆԱ ցուցանիշը մենք բարելավել  ենք մոտ 1.2 տոկոսով։ Այսինքն ԱՄՀ–ի նշածից 4 անգամ ավելի։ Իհարկե տարվա արդյունքներով տեմպը գուցե որոշակի փոփոխություններ կրի,  բայց ուզում եմ ասել, որ կան ակնհայտ փաստեր որոնք վկայում ենք որ մենք ստվերի դկրճատման հետ կապված մենք աննախադեպ իրավիճակ ունենք»,–նշել է նա։

Վարչապետի խոսքով՝ վատ նորությունը վերաբերում է վարքագծային կոմպոնենտին.

«Սակայն, վատ նորություններ էլ կան, որոնք վերաբերում են վարքագծային կոմպոնենտին։ Այստեղ նշվեց, որ վարքագիծը երբեմն շատ դժվար է փոխել, բայց մյուս կողմից էլ այդ վարքագծի փոփոխությունը եթե հետեւողական լինենք, պետք է ընդունենք, որ ժամանակ է պետք»։

Փաշինյանը իր համար մի ցավալի օրինակ բերեց, որը վերաբերում էր Գյումրիին. «Տեղյակ եք, որ այս տարի անկախության տոնակատարությունները եղել են Գյումրիում, 15 հազար մարդ է այցելել Գյումրի, ամբողջ օրը ռեստորաններում եւ սրճարաններում ընդհանրապես տեղ չկար, շատ մեծ տնտեսական շարժ կար։  Ինձ համար հետաքրքիր էր, թե սեպտեմբերի 21-ին Գյումրիում առեւտուրն ինչ շարժ է գրանցել եւ ինձ համար անսպասելի մի բան պարզվեց, որ ՀԴՄ կտրոնները տպվել են նույն չափով, ինչ նախորդ օրերին»։

Նա շեշտեց՝ գործընկերություն ասելով նկատի ունեն նաեւ, որ բիզնեսն էլ իր քայլն անի. «Սա իրականում շատ վատ նորություն է։ Ես գործընկերություն ասելով սա նկատի ունեմ։ Կառավարությունը իր գործողություններով այսպիսի մասշտաբային միջոցառում է իրականացրել, որը Գյումրիում բիզնեսի համար աննախադեպ հնարավորություն է, բայց այդ բիզնեսը մի կես քայլ իր կողմից պետք է անի, թե պետք է չանի։ Տնտեսական հեղափոխությունը չի կարող մենախոսություն լինել, երկխոսություն պետք է լինի։

2019 թվականի առաջին 8 ամիսների ցուցանիշներով նախորդ տարվա համեմատ 75 մլն հատ ավելի ՀԴՄ կտրոն է տպվել։ 10 ամիսների տվյալներով հասել է 85 միլիոնի։ Այսինքն դինամիկան կա եւ լավ նորություն առկա է»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՅԴ. գույքահարկի բարձրացման ամենածանր բեռը կընկնի Երեւանի բնակիչների վրա
Դոլարի, եվրոյի ու ռուսական ռուբլու փոխարժեքը նվազել է
Թանկարժեք մետաղների համար բանկի կողմից սահմանվել են հետեւյալ գները...
Առաջարկվող փոփոխությունները կեռապատկեն Հայաստանում լիզինգի շուկայի ծավալները․ պաշտոնյա
Նախաձեռնված փոփոխությունները ուղղված են խոչընդոտների վերացմանը․․․
«Նպաստից դեպի աշխատանք» իրական խնդիրները. կառավարության նիստի հետքերով
Կառավարության այսօրվա նիստում էլ թարամցվեց այս տեսակետը...
ՔՏՀԱ տեսչական մարմինն ապօրինի հանքավայր Է հայտնաբերել Զոլաքար համայնքում
Համայնքում փաստաթղթերի ուսումնասիրությունից եւ տեղազննությունից պարզվել է, որ «Բարոյան եղբայրներ» ՍՊ ընկերությանը 20.10.2012թ.-ին Հայաստանի Հանրապետության էներգետիկայի եւ բնական պաշարների նախարարության…
Հիմա ինչ-որ կառուցում, ստեղծում ենք, դա պետք է լինի նոր Հայաստանը. Փաշինյան
Յոլա գնալու տրամաբանությունից պետք է դուրս գանք, և պետք է զարգանանք...