News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

ADAS-HIL անվարորդ ավտոմեքենաների թեստավորման համակարգը, որը ստեղծել են հայ մասնագետները, կներկայացվի նոյեմբերի 20-21-ին Մյունխենում, NIDays ցուցահանդեսում։ Այս մասին NEWS.am-ին ասել է YEA Engineering ընկերության տեխնիկական տնօրեն Գուրգեն Մարդոյանը՝ նշելով, որ դա կդառնա միջազգային շուկա այդ համակարգերի արտահանման առաջին քայլը։

Նրա խոսքով՝ ADAS-HIL թեստային համակարգը ստեղծվել է ռուսական ընկերության պատվերով YEA Engeneering-ի մասնագետների կողմից՝ Հայաստանի Ազգային պոլիտեխնիկական համալսարանի հետ համատեղ։ ADAS-HIL-ը թույլ կտա անվարորդ ավտոմեքենաներ արտադրողներին լաբորատոր պայմաններում թեստավորել ADAS համակարգեր եւ դրանց բաղադրիչներ։ Մարդոյանը նշել է, որ ADAS համակարգը անվարորդ ավտոմեքենաների կարեւոր բաղադրիչն է։ Հենց այդ համակարգն է բացահայտում տեղեկատվությունն արտաքին աշխարհից, որի հիման վրա կայացնում է որոշում՝ արգելակել, շրջվել, ավելացնել կամ պակասեցնել արագությունը։

Այս համակարգի դիագնոստիկան  մինչեւ մեքենայում տեղադրվելը էապես ժամանակ կխնայի։ Վիրտուալ պայմաններում արձանագրված սխալներն ու անսարքությունները համակարգում ավելի օպերատիվ են վերացվում։ Լաբորատոր թեստավորումը նաեւ թույլ է տալիս  էապես խնայել ֆինանսները։ «Միայն մանեքենը, որին մեքենան կճանաչի որպես մարդու, կարող է մոտ 1-1,5 մլն դոլար արժենալ։ Էլ չեմ ասում թեստավորման մյուս բաղադրիչների մասին իրական պայմաններում»,- ասաց Մարդոյանը՝ ավելացնելով, որ լաբորատոր թեստավորումը շատ ավելի էժան է։

Այս փուլում մրցակցությունը շուկայում մեծ չէ, կա ընդամենը երկու ընկերություն, որոնք արտադրում են վիրտուալ թեստավորման համակարգեր։ Սակայն YEA Engineering-ում ստեղծված համակարգը ոչ միայն չի զիջում իր միջազգային անալոգներին, այլեւ առավելություններ ունի։ «Գերմանական ընկերություններից մեկը նման համակարգեր ունի, բայց երբ մենք ստուգեցինք ռադարների խթանման բնութագրերը, համոզվեցինք, որ մեր համակարգն առավելություններ ունի։ Ռադարների թեստավորման համար կարեւոր է, թե որքան մոտիկից կարելի է սիմուլացնել օբյեկտը։ Մեր սարքերում այդ բնութագրիչը 3,5-4 մետր է, նրանց մոտ՝ 7 մետր»,- ասաց նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դոլարի փոխարժեքի անկման պատճառով Հայաստանում ՏՏ ոլորտը կանգնած է կործանման եզրին
Հայկական դրամի նկատմամբ դոլարի փոխարժեքի անկման պատճառով Հայաստանում ՏՏ ոլորտը լուրջ խնդիրների առաջ է կանգնել․․․
Nvidia-ն դադարեցրել է Ռուսաստանում ամպային գեյմինգի համար ծրագրային ապահովման լիցենզիաների վաճառքը. «Կոմերսանտ»
Ընկերության այս որոշումը կարող է բարդացնել ռուս գեյմերների կյանքը...
CodeSignal-ը բոլորին հրավիրում է մասնակցել Gyumri Tech Week միջոցառմանը
Հաղթողները կստանան հատուկ մրցանակներ, ինչպես նաև հնարավորություն՝ աշխատանքի անցնել CodeSignal ընկերությունում...
Նորույթ Apple-ից` նոր, բեկումնային MacBook Pro M2 չիպով iSpace-ում (ֆոտո)
iSpace-ը Apple-ի պաշտոնական գործընկերն է Հայաստանում` Apple Authorised Reseller կարգավիճակով...
Համացանցում հայտնվել են նոր PlayStation-ի լուսանկարները
Արտաքինից նորույթը քիչ է տարբերվում սաղավարտի առաջին տարբերակից...
Կորած իրերը գտնող ռոբոտ է մշակվել
Բարձր արագությունը, որով ռոբոտը կատարում է իր խնդիրը, համակարգը խոստումնալից է դարձնում էլեկտրոնային կոմերցիայում կիրառման համար...
Ամենաշատ
Ֆոտոռեպորտաժներ