News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը


Հեղինակավոր System of a Down ռոք խումբը 2020թ. հունիսին համերգ կունենա Հայաստանում: Այս մասին, այսօր՝ հոկտեմբերի 9-ին, Երեւանում ընթացող WCIT-2019-ի շրջանակում կազմակերպված մամուլի ասուլիսի ժամանակ նշել է խմբի մենակատար Սերժ Թանկյանը:

«Գալ տարի հունիսին System of a Down-ով գալիս ենք Երեւան: Մենք այժմ համերգային շրջագայություն ենք իրականացնում Եվրոպայում, այդ շրջագայության մեջ Երեւանը ավելացրել ենք, եւ աշխատում ենք, որ մի լավ ներկայացում անենք»,- ասաց Թանկյանը՝ հավելելով, որ դեռ չգիտեն, թե որտեղ է լինելու համերգը:

«Հետախուզում ենք»,-ասաց նա: Երաժիշտը չնշեց՝ համերգը փակ է լինելու, թե բացօթյա:

Հիշեցնենք, որ System of a down ռոք խումբը Երեւանի Հանրապետության Հրապարակում անվճար համերգով հանդես է եկել 2015թ. ապրիլի 23-ին՝ Հայոց ցեղասպանության իրազեկմանը նվիրված «Արթնացրեք հոգիները» (Wake Up the Souls) խորագրով:

!
Այս նյութը հասանելի է նաև   English and Русский
Տպել