News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

ՀՀ վարչապետի տիկին, ‹‹Իմ քայլը›› եւ «City of smile/Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը հոկտեմբերի 9-ին հանդիպել է Հայաստան ժամանած ԱՄՆ Կոնգրեսի ներկայացուցիչների պալատի եւ հայկական հարցերով հանձնախմբի անդամներ Ջեքի Սփիըր-Կանչելյանին, Ջուդի Չուին եւ տիկին Սփիըրի  աշխատակազմի ղեկավար Ջոշ Կոնոլիին։ Ճաշի ընթացքում Ջեքի Սփիըրն ու Ջուդի Չուն ներկայացրել են Հայաստան այցի մանրամասներն ու պատմել Արցախից ստացած տպավորությունները։

Ջուդի Չուն նշել է, որ իսկապես տպավորված է Արցախով։

«Այն շատ գեղեցիկ, շատ խաղաղ վայր է»,- ասել է տիկին Չուն։ Տիկին Սփիըրին էլ հիացրել է ոչ միայն Արցախում տիրող խաղաղությունը, այլեւ այնտեղ առկա քաղաքացիական մտքի բարձր մակարդակը։ «Ես շատ տպավորված եմ այս այցով, Արցախ այցելությամբ եւ իսկապես պետք է հարգել Արցախի խաղաղասիրությունը, ձեռքբերումները, որ ունեցել է այս ժամանակահատվածում»,- ասել է տիկին Սփիըրը՝ հավելելով, որ Վաշինգտոն վերադառնալով շարունակելու են իրենց գործունեությամբ նպաստել Արցախի զարգացմանն ու խաղաղության պահպանմանը։

«Շատ շնորհակալ եմ այս հանդիպման, Արցախ կատարած Ձեր այցի համար։ Իսկապես, դուք իրավացի եք, Արցախը զարմանալի գեղեցիկ վայր է, եւ Ստեփանակերտն ամենախաղաղ վայրն է։ Ես հենց այսօր էլ Ֆեյսբուքի իմ էջում գրառում էի կատարել, որ պետք է Երեւանում ծրագրավորած հանդիպումները ավարտելուց հետո մեկնեմ Արցախ, քանի որ այնտեղ կա խաղաղություն»,- ասել է Աննա Հակոբյանը՝ հավելելով, որ Արցախն իր տեսակով յուրահատուկ է։

«Մենք ցանկանում ենք խաղաղություն, ոչ միայն Արցախում, այլեւ ամբողջ տարածաշրջանում։ Խաղաղությունը մեզ համար շատ կարեւոր արժեք է»,- ասել է Աննա Հակոբյանը, ինչին ի պատասխան տիկին Չուն շեշտել է, որ խաղաղությունն  իսկապես ամենակարեւորն է։

Վերջինիս խնդրանքով Աննա Հակոբյանը ներկայացրել է իր նախաձեռնած «Կանայք հանուն խաղաղության» արշավը։ ‹‹Սա մարդասիրական, խաղաղասիրական արշավ է։ Այն ուղղված է հակամարտության խաղաղ կարգավորմանը, որպեսզի ոչ մի կողմից զոհեր չլինեն։ Այս նախաձեռնության համար հիմք է հանդիսացել Արցախյան հակամարտությունը››,- ասել է Աննա Հակոբյանը՝ հավելելով, որ երբ մի օր Արցախյան հակամարտությունը կարգավորված լինի, նա շարունակելու է այս գործընթացը հանուն աշխարհում խաղաղության հաստատման։ 

!
Այս նյութը հասանելի է նաև   English
Տպել
Կարդացեք նաև
Ամբողջը
Վարչապետն ընդունել է ԱՄՆ կոնգրեսականներ Ջեքի Սփիրին եւ Ջուդի Չուին
Վարչապետն ու ԱՄՆ կոնգրեսականները մտքեր են փոխանակել Հայաստանում ժողովրդավարության ամրապնդման եւ այս ուղղությամբ հայ-ամերիկյան գործակցության խորացման շուրջ:...
Ով է կանգնած Ջուլիանիին Երեւան հրավիրելու որոշման հետեւում
Սեպտեմբերի 30-ին Ջուլիանիի նախանշված ելույթի օրը, նրա անունը դեռ մասնակիցների ցուցակում էր...
Մհեր Գրիգորյանը կմեկնի ԱՄՆ. Պատվիրակության կազմում է նաեւ Արթուր Ջավադյանը
Կառավարական պատվիրակությունն այնտեղ մասնակցելու է Համաշխարհային բանկի խմբի եւ Արժույթի միջազգային հիմնադրամի տարեկան հանդիպումներին…
Մեկնարկում է «Գրին քարտի» 2021թ. ծրագրով հայտերի ընդունումը
Գրանցման նոր շրջանը կսկսի 2019թ. հոկտեմբերի 2-ի կեսօրին՝ արեւելյան ամառային…
Հայաստանը կարեւորվում է հայ-ամերիկյան երկխոսությունը տարբեր մակարդակներում. ԱԳ նախարար
Հանդիպմանն արծարծվեցին միջազգային եւ տարածաշրջանային կարեւորության մի շարք արդիական հարցեր…
ՀՀ-ն ցանկանում է զարգացնել հարաբերությունները ԱՄՆ-ի հետ. Միրզոյանը հանդիպել է ԱՄՆ Ներկայացուցիչների պալատի անդամներ
Զրույցի ընթացքում կողմերը տեսակետներ են փոխանակել Հայաստանում իրականացվող բարեփոխումների օրակարգի վերաբերյալ…