News
Լրահոս
News
Չորեքշաբթի
Դեկտեմբեր 08
Տեսնել լրահոսը

Հարավ-արեւելյան Եվրոպայի եվրոպական հիմնադրամը 10 միլիոն ԱՄՆ դոլարին համարժեք բազմաարժութային վարկ է տրամադրել ԱՐԱՐԱՏԲԱՆԿԻՆ՝ միկրո եւ փոքր ձեռնարկությունների ֆինանսավորումն ընդլայնելու  նպատակով։  Պայմանագիրը ստորագրվել է  այսօր՝ հոկտեմբերի 10-ին Մոլդովայի մայրաքաղաք Քիշնեւում՝ «Ազգային արժույթով ֆինանսավորման ուժը» թեմայով համաժողովի ընթացքում, որտեղ ԱՐԱՐԱՏԲԱՆԿԻ վարչության նախագահ Աշոտ Օսիպյանը նաեւ հանդես է եկել ելույթով՝  ներկայացնելով ազգային արժույթով ֆինանսավորման կարեւորությունն ու ազդեցությունը։

Հարավ-արեւելյան Եվրոպայի եվրոպական հիմնադրամի հետ  հերթական համագործակցությունը հնարավորություն կտա ԱՐԱՐԱՏԲԱՆԿԻՆ՝  միկրո եւ փոքր ձեռնարկություններին առաջարկել հաճախորդների կարիքներին համապատասխան ֆինանսական պրոդուկտներ՝ դրանով իսկ խթանելով  Հայաստանում այս կարեւոր հատվածի զարգացումը եւ  ստեղծելով նոր աշխատատեղեր:

2010թ․-ից ի վեր ԱՐԱՐԱՏԲԱՆԿԸ հանդիսանում է Հարավ-արեւելյան Եվրոպայի եվրոպական հիմնադրամի կարեւոր գործընկեր։  Բանկի կայուն դիրքը, լայն մասնաճյուղային ցանցը եւ ռազմավարական կողմնորոշումը դեպի փոքր բիզնեսի շուկա հնարավորություն են տվել ԱՐԱՐԱՏԲԱՆԿԻՆ եւ  EFSE-ին  հայաստանյան միկրո եւ փոքր ձեռնարկությունների ֆինանսավորման համար  մինչ օրս գեներացնել ավելի քան 58 միլիոն եվրո: Նոր ներդրումը կշարունակի այդ տեմպը՝ իր մեջ ներառելով ինչպես  ԱՄՆ դոլար, այնպես էլ  ազգային արժույթ։ Վարկավորման այս տեսակը բանկին հնարավորություն կտա ավելի  ճկուն սպասարկել ձեռնարկատերերի ֆինանսավորման  կարիքները` չեզոքացնելով արժութային ռիսկի ուղղակի ազդեցությունը:

EFSE-ի խորհրդի նախագահ Քրիստոֆ Թիսկենսը նշել է,  որ ԱՐԱՐԱՏԲԱՆԿԻ նման գործընկերներն անհրաժեշտ են EFSE-ին՝ օգնելու իրականացնել  տեղական բիզնեսների համար կայուն ֆինանսների հասանելիության ընդլայնման իրենց առաքելությունը: «Նպաստելով ազգային արժույթով վարկերի տրամադրմանը՝ մենք միասին ներդրում ենք կատարում փոքր բիզնեսների կայունության եւ ապահով աճի մեջ, որոնք երկրի տնտեսության հիմնական շարժիչ ուժերից են»,-ընգդծել է նա։ 

Իսկ  ԱՐԱՐԱՏԲԱՆԿԻ վարչության նախագահ Աշոտ Օսիպյանը փաստել է, որ  համագործակցության ինը տարիների ընթացքում  ԱՐԱՐԱՏԲԱՆԿԸ ֆինանսավորել է 1500-ից ավելի բիզնես ծրագրեր տարբեր ոլորտներում՝  ստեղծելով հավելյալ արժեք ինչպես վարկառուների, այնպես էլ Հայաստանի տնտեսության համար։ Նրա խոսքերով՝ նոր պայմանագրի կնքումը ծրագրի շահառուներին զերծ կպահի արտարժութային ռիսկերից, ինչն իր հերթին կբարձրացնի ընկերությունների շահութաբերությունը եւ մրցունակությունը  տեղական շուկայում։  ‹‹Ես ուրախ եմ այս պայմանագրի ստորագրման առիթով, ինչը  կրկին անգամ  հավաստում է  մեր փոխվստահության  եւ շարունակական համագործակցության մասին», -ասել է Ա․ Օսիպյանը։ 

!
Այս նյութը հասանելի է նաև   English
Տպել
Կարդացեք նաև
Ամբողջը
Արդշինբանկը ներդրումներ է կատարում կանաչ էներգետիկայի մեջ
Բանկը հետագայում եւս հատուկ ուշադրություն կդարձնի այս ուղղությանը․․․
Արդշինբանկի Վարչության նախագահի հարցազրույցը Financial Times-ի The Banker-ին՝ Տարվա լավագույն բանկը ճանաչվելու առթիվ
Ինչպես ցանկացած ճգնաժամ, Covid-19-ն էլ մեզ համար նոր փորձության և նոր հնարավորությունների մեծ մարտահրավեր էր, և դեռ շարունակում է այդպիսին մնալ...
Տեղեկացված ես՝ պաշտպանված ես. IDBank
Վարկի կարիք ունենալու դեպքում այն վերցնել անձամբ միայն ու միայն Բանկից՝ անձամբ ներբեռնելով Idram&IDBank բջջային հավելված...
SME Banking Club-ը Յունիբանկին ընդգրկել է լավագույն բիզնես վարկեր առաջարկող բանկերի ցուցակում
Մենք շնորհակալ ենք SME Banking Club-ին բարձր գնահատականի համար...
Եվրամիությունը չորս խոշոր բանկերի ընդհանուր 390 մլն դոլարի տուգանել է
HSBC-ն տուգանվել է մոտ 200 մլն դոլարի․․․
Deutsche Bank-ը նավթի` բարելի դիմաց 60 դոլարից ցածր գին է կանխատեսել
Գների ներկայիս մակարդակի համեմատ նավթը կթանկանա ավելի քան 100 տոկոսով...
Ամենաշատ