News
Լրահոս
News
Երկուշաբթի
Հոկտեմբեր 21
USD
476.32
EUR
531.95
RUB
7.48
ME-USD
0.07
Տեսնել լրահոսը


Կառավարության նիստի դռնփակ հատվածում քննարկել ենք Սիրիայում տիրող իրավիճակը, մեր ուշադրության կենտրոնում են Սիրիայի այն բնակավայրերը, որտեղ հայ բնակչություն կա: Այս մասին այսօր՝ հոկտեմբերի 10-ին, կառավարության նիստից հետո լրագրողների հետ ճեպազրույցի ժամանակ նշեց Անվտանգության խորհրդի քարտուղար Արմեն Գրիգորյանը:

«Այս պահին հանձնարարական կա քննարկելու, հասկանալու, թե ինչպես ենք կարողանալու Սիրիայում բնակվող հայերի անվտանգությունն ապահովել: Նաեւ հասկանանք, թե ինչպիսի օգնություն ենք կարողանալու ցուցաբերել: Անվտանգության խորհրդի գրասենյակում, հենց վերադառնամ, արդեն ավելի մանրամասն պլանները կմշակենք, օրվա վերջում ավելի հստակ քննարկումներ կունենանք»,-ասաց նա:

Անդրադառնալով Սիրիայում գտնվող հայկական մարդասիրական առաքելությանը, նա նշեց. «Բնականաբար Սիրիայում ընդհանուր զարգացումներն ազդում են հայկական հումանիտար առաքելության վրա, բայց այս պահին լուրջ մարտահրավերներ չկան: Սիրիայում մեր առաքելության մասով լուրջ անհանգստանալու խնդիր չունենք»:

Նա հավելեց, որ հայկական առաքելությունը ռազմական գործողություններում չի  ներգրավվելու. «Այն միտքը, որ դա հումանիտար առաքելություն է, չի կարող որեւէ ձեւով մասնակցություն ունենալ ռազմական որեւէ գործողության»:

Նշենք, որ երեկ Թուրքիայի զինված ուժերը ներխուժել են Սիրիա: ՀՀ ԱԳՆ-ն արդեն հանդես է եկել համապատասխան հայտարարությամբ, որտեղ դատապարտում է ներխուժման այդ գործողությունը: Իր հերթին ՀՀ վարչապետ Նիկոլ Փաշինյանը կառավարության նիստի սկզբում հայտարարեց. «Մենք մտահոգված ենք իրավիճակով, որովհետեւ մեր գնահատմամբ այդ գործողությունն էլ ավելի կխորացնի Սիրիայում մարդասիրական ճգնաժամը: Մենք կոչ ենք անում միջազգային հանրությանը գործուն միջոցներ ձեռնարկել այդ ապօրինի գործողությունը դադարեցնելու եւ Թուրքիայի սահմանի երկայնքով Սիրիայի քաղաքացիների, այդ թվում ազգային փոքրամասնությունների ներկայացուցիչների իրավունքները պաշտպանելու ուղղությամբ:

Այս առումով ուզում եմ ընդգծել, ինչպես տեղյակ եք ՀՀ-ն Սիրիայում հաջողությամբ իրականացնում է մարդասիրական առաքելություն, եւ մենք կշարունակենք այդ առաքելության իրականացումը»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Աֆղանցիները չպետք է սխալ մեկնաբանեն Սիրիայի հյուսիսից Ամերիկայի հեռանալը․ փորձագետ
Էսպերն ասել էր, որ Ամերիկան պահպանում է «վաղեմի հավատարմությունը» Աֆղանստանին՝ նշելով, որ ԱՄՆ քաղաքականության ուղղությունը այս երկրի հանդեպ բոլորովին այլ է․․․
Պենտագոնը ցանկանում է իր զորքերի մի մասը թողնել Սիրիայի հյուսիս-արեւելքում
Նա առայժմ վերջնական որոշում չի ընդունել եւ այն չի ներկայացրել ԱՄՆ նախագահ Դոնալդ Թրամփին…
Էրդողանն ասել է, որ հաջորդ քայլերը Սիրիայում կձեռնարկի Պուտինի հետ հանդիպումից հետո
Թուրքիայի նախագահն ասել է, որ հաջորդ քայլերը կձեռնարկի Պուտինի հետ հանդիպումից հետո...
Ռուսաստանը չի ծրագրում անվտանգության հարցով Թուրքիայի եւ Սիրիայի հանդիպման անցկացում. Լավրով
Անկարայի եւ Դամասկոսի միջեւ երկխոսությունը պետք է հենվի 1998 թվականի Ադանայի համաձայնագրի վրա…
Սիրիայի հարցում ՆԱՏՕ-ի գլխավոր քարտուղարի դիրքորոշումը հարուցել է եվրոպական պատվիրակությունների դժգոհությունը
ՆԱՏՕ-ի գլխավոր քարտուղարի այդպիսի դիրքորոշումը վկայում է այն մասին, որ յուրաքանչյուր երկիր հույսը պետք է դնի միայն իր վրա…
ԱՄՆ-ը զորքերը Սիրիայից տեղափոխում է Իրաք
Ամերիկյան զորքերը մտնում են Իրաք...