News
Լրահոս
News
Չորեքշաբթի
Դեկտեմբեր 08
Տեսնել լրահոսը

ՀՀ կառավարությունը հոկտեմբերի 10-ին ընդունեց Ազգային ժողովի «Լուսավոր Հայաստան» խմբակցության նախաձեռնած փոփոխությունը Գույքի նկատմամբ իրավունքների պետական գրանցման մասին ՀՀ օրենքում։ Առաջարկվում է նոր շինությունների նկատմամբ իրավունքների պետական գրանցման համար կառուցապատողից պահանջվող փաստաթղթերի ցանկից (հոդված 37, 1-ին մաս) հանել «սահմանված կարգով հաստատված շինության նախագիծը»։

Նիստում Կադաստրի կոմիտեն ներկայացնող ղեկավարի տեղակալ Արամ Կարախանյանը նախ ընդգծեց, որ նոր ստեղծված գույքի գրանցման փուլում սահմանված կարգով հաստատված շինության նախագիծն անհրաժեշտ փաստաթուղթ է, և հնարավոր է համարում այն հանել գրանցման համար ներկայացվող փաստաթղթերի ցանկից միայն այն դեպքում, եթե տեղադրված լինի համապատասխան հարթակում և հասանելի լինի Կադաստրի կոմիտեի համար։ Առաջարկեց խնդրին տալ ոչ թե կետային, այլ «փաթեթային» լուծում՝ Ինտեգրված կադաստրի ստեղծումով, որի վերաբերյալ որոշումը կառավարությունն ընդունել է 2019 թ. մայիսին։ Ըստ այդմ, նա փոխանցեց Կադաստրի կոմիտեի բացասական դիրքորոշումն օրինագծին։ Փոխվարչապետ Տիգրան Ավինյանն առաջարկեց, որպեսզի հեղինակն օրենքում փոփոխության ընդունման ժամկետ արձանագրի 2021 թվականի հունվարի 1-ը, երբ ամբողջովին թվայնացված կլինի Հայաստանում կադաստրին առնչվող տվյալների ամբողջ համակարգը։

Քվեարկությունից հետո հարցը եզրափակելիս վարչապետ Նիկոլ Փաշինյանը գոհունակությամբ խոսեց տվյալների ամբողջական թվայնացման մոտալուտ հեռանկարի մասին, «երբ նույն փաստաթուղթը երկրորդ անգամ չեն պահանջում քաղաքացուց» և երբ «պետական մեկ գերատեսչության տրամադրած փաստաթուղթը հասանելի է լինում մյուսին»։

Օրենքի ուժ ստանալու համար փոփոխությունը պետք է ներկայացվի Ազգային ժողով։

Տպել
Կարդացեք նաև
Ամբողջը
«Ժողովուրդ». Երեւանում բնակարանների գները մեկ ամսվա ընթացքում բարձրացել են
Նշենք, որ Արաբկիր վարչական շրջանում բնակարանների գները բարձրացել են 2800 դրամով, Քանաքեռ-Զեյթունում` 4500 դրամով...
Կառավարությունը գումար է հատկացնում ակնահաճո, բայց մարտահրավերները չլուծող ծրագրերի իրականացմանը. «Հայաստան» դաշինք
2022թ․ համար ՀՀ կառավարությունը կանխատեսել է 7%, իսկ «բարենպաստ արտաքին միջավայրի դեպքում»՝ 9% տնտեսական աճ։ Կանխատեսվող տնտեսական աճը, ի թիվս...
2008 - 2019 թթ․ երկրաշարժից տուժածներին բնակարաններով ապահովելու համար 67 միլիարդ դրամ է հատկացվել
Ծրագրի ավարտին մեզ մնացել է 242 ընտանիք։ Նրանցից 214-ը նախորդ տարվանից սպասում են իրենց բնակարանային խնդրի լուծմանը․․․
Կասեցվել է հացի արտադրամասի գործունեությունը. ՍԱՏՄ
ՍԱՏՄ ղեկավարի որոշմամբ՝ «Անամել» ՍՊԸ-ին պատկանող հացի արտադրամասի…
Դոլարի փոխարժեքը շարունակում է աճել. այն անցավ 491 դրամից. Եվրոն նույնպես թանկացել է
Թանկարժեք մետաղների համար բանկի կողմից սահմանվել են հետևյալ գները...
2022-ին 7 տոկոս աճ կանխատեսելու նպատակը զուտ քաղաքական է՝ սուտ խոստումներով զսպել մարդկանց զայրույթը. Խաչատրյան
Նրա խոսքով, վիճակագրության համաձայն այս տարվա 9 ամիսների ընթացքում տնտեսական աճը նախորդ տարվա համեմատ կազմել է ընդամենը 2,66 տոկոս, իսկ...
Ամենաշատ