Բրիտանիան զսպվածության կոչ է արել Սիրիա Թուրքիայի ռազմական ներխուժումից հետո՝ նախազգուշացնելով, որ այդ քայլը կարող է հանգեցնել մարդկային տառապանքների եւ խափանել ԻՊ-ի զինյալների դեմ պայքարը, հայտնում է Reuters-ը։
Արտգործնախարար Դոմինիկ Ռաաբը հայտարարել է, որ Անկարային հայտնել է «Մեծ Բրիտանիայի հիասթափությունը եւ մտահոգությունը՝ կապված Սիրիայի հյուսիսարեւելյան հատված ներխուժման հետ»։ Այդ միջամտությունը կարող է հանգեցնել ավելի շատ մարդասիրական տառապանքների եւ խափանել ԻՊ-ին դիմակայելու շեշտադրումը»,- հավելել է նա։
Թուրքիան ցասումով մերժել է Սիրիա ներխուժման համար իրեն ուղղված միջազգային քննադատությունը՝ հայտնելով գործողության երկրորդ օրը իր ուժերի առաջընթացի մասին, ինչը, համաշխարհային տերությունների կարծիքով, կարող է էլ ավելի ապակայունացնել տարածաշրջանը։
