News
Լրահոս
News
Երկուշաբթի
Նոյեմբեր 29
Տեսնել լրահոսը


ԱԺ ապրիլյան պատերազմի հանձնաժողովի նախագահ Անդրանիկ Քոչարյանը անկնալում է, որ ՀՀ երրորդ նախագահ Սերժ Սարգսյանը կգա ապրիլյանի քննիչ հանձնաժողովի նիստին։ Այս մասին այսօր՝ հոկտեմբերի 10-ին, լրագրողների հետ զրույցում ասաց Անդրանիկ Քոչարյանը։

Նա ասաց, որ ԱԺ ապրիլյան պատերազմի հանգամանքները քննող հանձնաժողովի նիստին

ՀԱՊԿ նախկին գլխավոր քարտուղար Յուրի Խաչատուրովն այսօր չի եղել, իսկ թե ով է հրավիրված եղել Քոչարյանն ասաց. «Մարդ, որը հարստացրեց մեր տեղեկատվությունը»։

Միայն նշեց, որ հյուր է եղել ապրիլյանի ժամանակ առաջնագծում ծառայություն իրականացրած զինվոր.

«Այդ օրերին ծառայություն տարած 18 տարեկան զինվորականներին լսելն էր, որովհետեւ իրենք են հենց անմիջական առաջին հարվածը ընդունել եւ մարտի բռնվել հակառակորդի հետ։

այլ ապրումներ են առաջացնում, եւ՛ հպարտության, եւ՛ ցավի, երկուսն էլ համադրվում է եւ դա ստանում է շատ մեծ լիցք, որը մենք պիտի ծառայեցնենք հետագա նման սխալներ թույլ չտալու առումով։ Դրա համար մենք կարեւորում ենք ոչ թե այն, որ կլսենք Սերժ Սարգսյանին թե Յուրի Խաչատուրովին, այլ մեզ համար կարեւոր է լսել առաջնագծի զինվորներին, որովհետեւ իրենց ընկերները մահացել են, բայց ով էլ չի մահացել՝ ականատեսն էլ եղել այն ամբողջ գործողություններին»։

Հարցին՝ արդյոք հնարավո՞ր է, որ հանձնաժողովի գործունեության ժամկետը վեց ամիսից ավելի երկարաձգվի, Քոչարյանն ասաց.

«Մենք հիմա ամենահետաքրքիր փուլում ենք։ Եթե անհրաժեշտ լինի մենք կդիմենք ԱԺ-ին՝ ժամկետը երկարացնելու, որի իրավունքը մենք ունենք։ Մեր աշխատանքների ինտենսիվությունը խոսում է այն մասին, որ մենք աշխատում ենք 6 ամսյա ժամկետում՝ ունենալ մաքսիմալ տեղեկատվություն, բայց տեղեկատվությունը հարցի մի մասն է։ Սահմանափակ փորձագետների առկայությունը հնարավորություն չի տալիս, որպեսզի եզրակացությունների ամբողջ բլոկը, որոնք շատ ծավալուն են լինելու, կարողանանք տեղավորվել, եթե չկարողանանք… Դրա համար հանձնաժողով որոշեց, որ խորհրդատուների ինստիտուտ սահմանվի։ Խորհրդատուներից մեկն էլ Նորատ Տեր-Գրիգորյանցն է լինելու, պարզապես հիմա Սիրիա է գնացել, խնդրեց ինչ-որ ժամանակ նոր ինքը կորոշի, թե երբ գա, որ մեզ օգնի։ Չնայած խնդիրը օգնել կամ չօգնելու մեջ չէ, այդ բարձրակարգ զինվորականները մեզ միշտ պետք է կարողանան այնպիսի տեղեկատվությամբ աջակցել, որ մենք հանկարծ սխալ եզրահանգումների վրա չշեղվենք»։

Անդրանիկ Քոչարյանն ասաց, որ այս խորհրդատուների ցանկում են նաեւ Վաղարշակ Հարությունյանը, Վլադիմիր Հայրապետյանը: Եվ հանձնաժողովն էլ դիմել է ԱԱԾ, որպեսզի վերականգնվի այս անձանց գաղտնիության թույլտվության հնարավորությունը. «Մի քիչ զարմանալիորեն, որոշ փաստաթղթեր ԱԱԾ-ում կան, բայց աշխատանքում դանդաղել են, եւ արդեն պետք է պատրաստ լինեին, որ մեր հրավիրյալները կարողանային անկաշկանդ մասնակցեն մեր նիստերին։ Բայց քանի որ Վլադիմիր Հայրապետյանն էլ հանդիսանում է ՊՆ-ի խորհրդական, մյուս նիստին նրանք էլ լիարժեք մասնակցություն կունենան»։

Հարցին՝ բարձրաստիճան զինվորականները երբ պետք է գան հանձնաժողով, Քոչարյանն ասաց.

«Որեւէ մեկը, որն ունի տեղեկատվություն չի կարող հանձնաժողով չհրավիրվել։ Բոլորին հրավիրելու ենք մեր հաստատած ցանկով`դեռ մի բան էլ ավել։ Ես չեմ պատկերացնում՝ ինչպես կարելի է մերժել մի հանձնաժողովի հրավեր, որը միտված է ապրիլյան դեպքերի ուսումնասիրելուն։ Նույնիսկ Սերժ Սարգսյանին եմ ակնկալում, որ չի մերժելու։ Նույնիսկ ակնկալել եմ, որ պաշտպանության նախկին նախարար Միքայել Հարությունյանը, եթե «մարտի 1-ով» լքեց Հայաստանը, ապա ապրիլյանով ինքը պետք է ձեւ գտնի`հանձնաժողովի հետ կոնտակտ կարողանա ապահովի, չգիտեմ, տեխնիկական ինչ-որ միջոցներով, սկայպով, որովհետեւ հարցեր կային, որ իրեն էլ պետք է ուղղեինք, որովհետեւ ինքը հանդիսանում էր այդ ժամանակ նախագահի առընթեր ռազմական գլխավոր տեսուչը»։

Անդրանիկ Քոչարյանը հայտարարեց, որ նրա այդ ժամանակվա տեղակալն արդեն հրավիրվել է հանձնաժողով եւ շատ կարեւոր տեղեկատվություն է տրամադրել:

Տպել
Կարդացեք նաև
Ամբողջը
«Քաղաքացիական պայմանագիր». ընդդիմությունը պետք է ծանոթանա ապրիլյան էսկալացիայի հետաքննության զեկույցին
Աբրահամյանն ավելի վաղ ասել էր, որ ներկայիս իշխանության օրոք անհնար է ապահովել ղարաբաղյան 44-օրյա պատերազմի օբյեկտիվ հետաքննություն․․․
Սեյրան Օհանյան. Գործող իշխանությունը ապրիլյան էսկալացիայի մասին զեկույցին ծանոթանալու թույլտվություն չի տալիս
«Ինձ համար գաղտնիք չկա...
ԶՈՒ ԳՇ տեղեկատվական բաժնի պետ Սամվել Ասատրյանն անցել է կոռեկտության սահմանները. Գեւորգ Գորգիսյան
Որպես ՀՀ ԱԺ Պաշտպանության և անվտանգության հարցերի մշտական հանձնաժողովի և Ապրիլյան քառօրյա պատերազմի հանգամանքներն ուսումնասիրող...
Ապրիլյան պատերազմի քննիչ հանձնաժողովը հետապնդում էր մեկ նպատակ՝ կասկածի տակ դնել ապրիլյան հաղթանակը. Աշոտյան
Կոտրել հաղթողի հոգեբանությունը և 2016թ-ի հաղթանակը դարձնել քաղաքական շահարկումների առարկա...
Ըստ զեկույցի Արտակ Դավթյանը ապրիլյանի մեղավորներից է, բայց նա հիմա ԳՇ պետն է. Էդմոն Մարուքյան
Ապրիլյան պատերազմի խորքային պատճառները գոնե այն մարդկանց շրջանակներում, որոնք ունեն գաղտնիության մատչելիություն, ի սկզբանե պարզ էր…
Հակասող տեղեկություններ լսեցի. Սոֆյա Հովսեփյանը ՝ ապրիլյանի զեկույցի մասին
Ես կարծում եմ, որ զեկույցի քննարկումը հրապարակային կարող էր լինել, եթե 44-օրյա պատերազմը չլիներ...