Ոստիկանության Նոր Նորքի բաժնի քրեական հետախույզները հոկտեմբերի 5-ին, ժամը 13.30-ի սահմաններում Խաչիկ Դաշտենցի փողոցից բերման են ենթարկել Ջերմուկի 44-ամյա մի բնակչի: Այս մասին NEWS.am-ը տեղեկանում է Ոստիկանության մամուլի ծառայությունից։
Նրա նկատմամբ Ավան և Նոր Նորք վարչական շրջանների քննչական բաժնում քննվող քրեական գործի շրջանակներում հոկտեմբերի 3-ից հայտարարվել էր հետախուզվում գողության մեղադրանքով: Խափանման միջոցը՝ կալանք:
44-ամյա տղամարդը խոստովանել է, որ Երևանի տարբեր վարչական շրջաններում, հիմնականում պատուհանները հարմարեցված գործիքով բացելու միջոցով, շուրջ 19-ը բնակարնային գողություն է արել, նույն եղանակով ևս 4 բնակարանային գողություն էլ կատարել էր մարզերում:
Բնակարններից մեկից հափշտակված զարդերը հայտնաբերվել են:
Հետախուզվողը կալանավորվել և տեղափոխվել է քրեակատարողական հիմնարկ:
Հարուցված քրեական գործի նախաքննությունը շարունակվում է:
