News
Լրահոս
News
Չորեքշաբթի
Հոկտեմբեր 23
USD
475.99
EUR
528.92
RUB
7.45
ME-USD
0.07
Տեսնել լրահոսը

Virgin Orbit-ը հայտարարել է Երկրի ուղեծրից դուրս իր ծրագրերի, այն է՝ Մարս հրթիռ ուղարկելու մասին, հայտնում է Hightech+-ը։

Virgin Orbit-ի ղեկավար Ռիչարդ Բրենսոնի նոր մտադրության դեմքը կրկին մոդիֆիկացված  Boeing 747 ինքնաթիռն է, նույն ինքը Cosmic Girl-ը, որը հարմարեցված է ստրատոսֆերայից, մոտ 10 700 մետր բարձրությունից ոչ մեծ հրթիռների արձակման համար։ Հրթիռը ուղեծիր է բարձրացնում արբանյակներ՝ ամենափոքրերից, որոնք հացի կտորի չափ են, մինչեւ մեծերը՝ սառնարանի չափ, գրում է New Atlas-ը։

Հուլիսին ընկերությունն անցկացրել է LauncherOne հրթիռի առաջին փորձարկումները, այն Հարավային Կալիֆոռնիայի երկնքում արձակվել է Cosmic Girl-ի թեւի վրայից։ Ղեկավարության խոսքերով, Virgin Orbit-ի առաջին կոմերցիոն հաճախորդները 2021թ․ կարող են իրենց հրթիռներն արձակել Երկրի ուղեծիր, սակայն դրանից հետո շուտով կհայտնվի զոնդերն ավելի հեռու ուղարկելու հնարավորություն։

Նոր ծրագիրը մտահղացվել է SatRevolution արբանյակային ընկերության, ինչպես նաեւ լեհական տասնյակ համալսարաններից մի շարք գիտնականների եւ ինժեներների հետ համագործակցությամբ։

Մինչ այժմ Մարս հասել են միայն չորս պետական կազմակերպություններ՝ «Ռոսկոսմոսը», NASA-ն, ESA-ն եւ ISRO-ն։

Նոր կազմակերպությունը նպատակ է դրել նախապատրաստել եւ անցկացնել «դեպի Մարս փոքր արբանյակների արձակման աշխարհում առաջին մասնավոր առաքելությունը»։ Առաջ անցնելով SpaceX-ից՝ Virgin Orbit-ը կդառնա Մարս հասած առաջին մասնավոր ընկերությունը։

SatRevolution-ը, որն արդեն այս տարի ուղարկել է առաջին մասնավոր լեհական արբանյակը Երկրի ուղեծիր, կզբաղվի CubSat դասի ապարատների կառուցմամբ եւ արտադրությամբ։ Այդ ընթացքում Virgin-ը փորձարկման համար կնախապատրաստի իր ուղեծրային հրթիռը։ Եթե ամեն ինչ լավ ընթանա, հրթիռի առաջին արձակումը դեպի Մարս տեղի կունենա արդեն 2022թ․

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մարդիկ կկարողանան վայրէջք կատարել Մարսի վրա 2035-ին. NASA-ի գլխավոր ադմինիստրատոր
«Եթե մենք արագացնենք Լուսնի վրա վայրէջքի ժամկետները, այդպիսով կարագացնենք նաեւ Մարսի վրա վայրէջքի ժամկետները...
NASA-ն «այլ հարթությունում պորտալ» է գտել
Միաժամանակ, նշվում է, որ NGC 4380-ի նման պարուրաձեւ գալակտիկաները բավական հաճախ են հանդիպում տիեզերքում․․․
NASA-ի «կանանց» առաջին առաքելությունը դուրս է եկել բաց տիեզերք
Այս շաբաթ Միջազգային տիեզերական գործակալությունը հայտարարել էր իր ծրագրերում որոշ փոփոխությունների մասին…
Ճապոնիան որոշել է միանալ Լուսնի յուրացման NASA-ի ծրագրին
NASA-ի ծրագրին միանալու մասին Ճապոնիան պաշտոնապես կհայտարարի մինչեւ 2019-ի վերջ...
Under Armour-ը Virgin Galactic-ի տիեզերական զբոսաշրջիկների համար համազգեստ է ներկայացրել
Virgin Galactic-ը գտնվում է իր տիեզերանավի թեսթավորման ավարտական փուլում․․․
Փարիզում աճուրդով վաճառքի կհանվի 364 կիլոգրամանոց երկնաքար
Փարիզում աճուրդի կհանվեն տիեզերական օբյեկտներ...