News
Լրահոս
News
Երեքշաբթի
Մայիս 24
USD
455.73
EUR
486.58
RUB
7.89
Տեսնել լրահոսը

Beeline-ի գլխավոր տնօրեն Անդրեյ Պյատախինը դասախոսությամբ հանդես եկավ Երիտասարդ առաջնորդների միջազգային “BuissUp” դպրոցի մասնակիցների առջեւ: Ունկնդիրները՝ 20-30 տարեկան, տարբեր երկրներից ժամանած 70 մասնակիցներ էին:

Անդրեյ Պյատախինը երիտասարդների հետ կիսվեց իր հաջողության պատմությամբ՝ խոսելով կարիերայի եւ անձնային աճի մասին: Աշխատանքային փորձ ունենալով տարբեր քաղաքներում եւ երկրներում՝ Beeline-ի ղեկավարն ընդգծեց ինտեգրման, նոր մշակույթի ընդունման եւ դրանում աշխատելու կարողության կարեւորությունը: Նա նաեւ խոսեց այն հմտությունների մասին, որոնք անհրաժեշտ են յուրաքանչյուր առաջնորդին ու հաջողակ մենեջերին:

«Մասնագիտական հմտությունների կատարելագործման հարցում ձեր հիմնական օգնականներն ու ուսուցիչներն են ձեր գործընկերները, ղեկավարներն ու ենթակաները: Ամեն օր նոր հավակնոտ նպատակներ դրեք ձեռ առաջ եւ ձգտեք հասնել դրանց` դառնալով ավելի լավը, քան երեկ: Չկան անհասանելի նպատակներ, կարեւոր է չվախենալ պարտություններից, այլ ուրախությամբ ընդունել դրանք որպես անգնահատելի փորձ, վերլուծել եւ եզրակացություններ անել: Հենց սա է հաջողության գաղտնիքը», - ասաց Հայաստանում Beeline-ի գլխավոր տնօրեն Անդրեյ Պյատախինը:

Երիտասարդ առաջնորդների աջակցման հիմնադրամի գործադիր տնօրեն Գոհար Ղումաշյանը շնորհակալական խոսք ուղղեց պատանիներին եւ արտասահմանցի հյուրերին. «Կարեւորն այն է, որ հենց երիտասարդ սերունդն է իրականացնում այնպիսի նախագծեր, եւ դրանց մասնակից են դառնում նույն սերնդի այլ ներկայացուցիչներ: Տարբեր երկրներից երիտասարդները հավաքվել էն ստեղծագործելու եւ միասին կառուցելու իրենց պայծառ ապագան»:

Երրորդ տարին անընդմեջ անցկացվող Երիտասարդ առաջնորդների միջազգային դպրոցի կազմակերպիչը Երիտասարդ առաջնորդների աջակցության հիմնադրամն է: Դպրոցը կապող օղակ է սկսնակների եւ արդեն կայացած, բարձրակարգ մասնագետների ու գործարարների միջեւ: Դասընթացների ու սեմինարների թեման էր «Գաղափարից դեպի իրականացում», որի շրջանակում խոսնակները WayUp ձեւաչափով շոշափեցին հետեւյալ թեմաները՝ խնդիրների հայտնաբերում, գաղափարի առաջացում, ապրանքանիշի առաջխաղացում, բիզնես պլանի ստեղծում եւ ներկայացում:

Նշենք, որ Անդրեյ Պյատախինի ելույթը տեղի ունեցավ Beeline-ի եւ Երիտասարդ առաջնորդների աջակցության հիմնադրամի համագործակցության շրջանակներում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Team-ը վերազինել է ավելի քան 500 բջջային կայան (ֆոտո)
Վերջին ամիսների ընթացքում Team-ը 4G ծածկույթ է ստեղծել 14 քաղաքներում և 65 համայնքներում։ Դրա համար ընկերությունը 4G տեխնոլոգիա է ներդրել մոտ...
Նոր գույներ եւ բազմաթիվ նոր ծառայություններ. Team Telecom Armenia-ն ավարտեց ռեբրենդինգը (ֆոտո)
Team Telecom Armenia ընկերությունը ռեբրենդինգն ավարտին հասցնելուց հետո բաժանորդներին ներկայացավ նոր գույներով եւ նոր բրենդով․․․
Թիմային և առաջադեմ Team Telecom Armenia․ նոր շունչ հայկական տելեկոմում (ֆոտո)
1,5 տարվա թիմային ահռելի աշխատանքի ու նվիրվածության շնորհիվ այսօր Team-ը շուկա է մտնում նոր, համարձակ կոնցեպտով ու ծրագրերով...
Մայիսի 1-ից Beeline-ը Հայաստանում կփոխարինվի Team Telecom Armenia նոր ապրանքանիշով
Վերաբրենդավորմանը զուգահեռ ընկերությունը սկսել է տարածաշրջանում եզակի՝ 25 Գբ/վ արագությամբ 25G-PON տեխնոլոգիայով NGN (Next Generation Network) ցանցի կառուցումը...
Նախագիծ. ՏՏ ոլորտում կսահմանվի կրթական 5 մրցանակ
ԿԳՄՍ նախարարին հանձնարարվում է որոշումն ուժի մեջ մտնելուց հետո երկամսյա ժամկետում հաստատել ՏՏ բնագավառում կրթական մրցանակի մրցանակակրի...
«Ռոստելեկոմ»-ի վաճառքի գործընթացը տապալվել է. ՍիվիլՆեթ
Հայաստանի հեռահաղորդակցության ոլորտի «Ռոստելեկոմ» ապրանքանիշը...
Ամենաշատ
Ֆոտոռեպորտաժներ