News
Լրահոս
News
Շաբաթ
Նոյեմբեր 27
Տեսնել լրահոսը

Թուրքիայի ղեկավարությանը ՆԱՏՕ-ն հայտարարել է Սիրիայի հյուսիսում գործողության եւ քրդերի կողմից պահվող «Իսլամական պետության» գրոհայինների ազատագրման վերաբերյալ իր մտահոգության մասին: Ուրբաթ այս մասին հայտնել է ՆԱՏՕ-ի գլխավոր քարտուղար Յենս Ստոլտենբերգը Թուրքիայի ԱԳ նախարար Մեւլութ Չավուշօղլուի հետ Անկարայում տեղի ունեցած բանակցությունների արդյունքներով, փոխանցում է ՏԱՍՍ-ը:

«Մենք քննարկել ենք նաեւ Սիրիայի հյուսիսում շարունակվող Թուրքիայի գործողությունը, ես հայտնեցի այդ գործողության եւ տարածաշրջանի հետագա ապակայունացման ռիսկի հետ կապված ՆԱՏՕ-ի մտահոգությունը: Չնայած Թուրքիան անվտանգության ոլորտում օրինական մտահոգություններ ունի, մենք Թուրքիային կոչ ենք անում զուսպ գործել: Մենք ընդհանուր հակառակորդ ունենք՝ ԻՊ-ն: Ներկայումս մեր գլխավոր մտահոգությունն այն է, որ բանտարկված ջիհադականները փախչելու հնարավորություն չստանան»,- ասել է Ստոլտենբերգը:

Նա միաժամանակ նշել է, որ Թուրքիան «գտնվում է անչափ պայթյունավտանգ տարածաշրջանի առաջավոր եզրում»: «ՆԱՏՕ-ի ոչ մի այլ երկիր չի ենթարկվել այդքան մեծ թվով ահաբեկչական հարձակումների, եւ ՆԱՏՕ-ի ոչ մի երկիր Սիրիայից այդքան փախստականների չի ընդունել, որքան Թուրքիան»,- հայտարարել է դաշինքի գլխավոր քարտուղարը:

Ավելի վաղ մի շարք արեւմտյան երկրներ մտավախություններ էին հայտնել, որ Սիրիայում Թուրքիայի ռազմական գործողությունները կհանգեցնեն «Իսլամական պետություն» ահաբեկչական կազմակերպության հնարավոր ուժեղացմանը: Այդ երկրների թվում են, մասնավորապես, Գերմանիան, Կանադան եւ Ֆրանսիան: Ավելին՝ Սիրիայի քրդական դեմոկրատական խորհրդի գործկոմի նախագահ Իլհամ Ահմեդը ՏԱՍՍ-ին հայտնել է, որ ԻՊ գրոհայինները «կարողացել են փախչել Ղամշլիի բանտից, որը գնդակոծվել է Թուրքիայի կողմից»: Սակայն Թուրքիայի նախագահ Ռեջեփ Թայիփ Էրդողանը հոկտեմբերի 10-ին խոստացել է, որ ԻԼԻՊ-ը «Սիրիայի հյուսիս-արեւելքում չի վերածնվի», իսկ նրա գրոհայինների թվից բոլոր բանտարկյալները կմնան բանտերում»:

Անկարան հոկտեմբերի 9-ին հայտարարել էր Սիրիայի հյուսիսում «Խաղաղության աղբյուր» գործողության անցկացման մասին, որը սկսվել է քրդական կազմավորումների դիրքերի վրա Թուրքիայի ՌՕՈՒ-ի ավիահարվածներով: Գործողության նպատակն է այնտեղ բուֆերային գոտու ստեղծումը, որը պետք է դառնա թուրքական սահմանի պաշտպանական գոտի, եւ որտեղ, Անկարայի մտահղացմամբ, Թուրքիայից կարող են վերադառնալ սիրիացի փախստականները: Սիրիական պետական SANA գործակալությունը գործողությունն ագրեսիա է անվանել, միջազգային հանրությունը դատապարտել է Անկարայի գործողությունները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ուկրաինայի դեմ ուժի ցանկացած կիրառումը «թանկ կարժենա» Մոսկվայի համար. Յենս Ստոլտենբերգ
Ստոլտենբերգը հայտարարել է, որ Ռուսաստանը ծանր տեխնիկա, տանկեր եւ զորքեր է կենտրոնացրել Ուկրաինայի մերձակայքում...
ՆԱՏՕ-ն ակնկալում է, որ Գերմանիան կմնա միջուկային զենքի համատեղ օգտագործման մասնակից
Գերմանիայի նոր կառավարությունը պետք է որոշում կայացնի «Տորնադո» հնացող կործանիչները փոխարինելու մասին...
ԱՄՆ-ը գրեթե ավարտել է նոր մարտավարական միջուկային B61-12 ավիառումբի մշակումը
Ըստ առկա տեղեկությունների՝ B61-12 ավիառումբերը (0,3, 1,5, 10 կամ 50 կիլոտոննա հզորությամբ), մասնավորապես, կտեղադրվեն Գերմանիայի, Բելգիայի, Նիդեռլանդների, Իտալիայի եւ Թուրքիայի ավիաբազաների ստորգետնյա պահեստներում․․․
Ստոլտենբերգը Լեհաստանին առաջարկել է դաշինքի աջակցությունը՝ լեհ-բելառուսական սահմանին տիրող իրավիճակի հետ կապված
Նրա խոսքով՝ դաշինքը խորապես մտահոգված է Բելառուսի նախագահ Ալեքսանդր Լուկաշենկոյի ռազմավարությամբ․․․
Ստոլտենբերգը ռուսական հակաարբանյակային հրթիռի փորձարկումն «անխոհեմ» է անվանել
«Դա ստեղծեց շատ աղբ…Դա անխոհեմ գործողություն էր Ռուսաստանի կողմից»,-ասել է Ստոլտենբերգը․․․
Լավրովը՝ Սեւ ծովում ՆԱՏՕ-ի զորավարժությունների մասին. Մենք լիովին պատրաստ ենք իրադարձությունների ցանկացած զարգացման
«ՆԱՏՕ-ի անդամների հետ հարաբերություններում մենք երկար տարիներ սովոր ենք պատրաստվել ցանկացած սադրանքի...
Ամենաշատ