News
Լրահոս
News
Հինգշաբթի
Դեկտեմբեր 09
Տեսնել լրահոսը

70 հազարից ավելի մարդիկ հարկադրված էին իրենց տները լքել Սիրիայի հյուսիսում ռազմական գործողությունների ծավալման պատճառով, ուրբաթ ճեպազրույցում հայտարարել է ՄԱԿ Համաշխարհային պարենային ծրագրի պաշտոնական ներկայացուցիչ Էրվե Ֆերհուզելը, փոխանցում է «ՌԻԱ Նովոստի»-ն: 

«ՀՊԾ-ն խորապես մտահոգված է Սիրիայի հյուսիս-արեւելքում իրավիճակի զարգացման հնարավոր ազդեցությամբ եւ ուշադիր հետեւում է իրավիճակին: Բռնության ծավալման մեկնարկից սկսած՝ գրանցվել է բնակչության զանգվածային տեղահանություն: Այս պահին Հասեքե եւ Ռաքա նահանգներից 70 հազարից ավելի մարդիկ լքել են իրենց տները»,- ասել նա:

Ֆերհուզելի խոսքով՝ ներկայումս Ղամշլի բնակավայրում ՀՊԾ դաշտային գրասենյակում շարունակում են աշխատել կազմակերպության 32 աշխատակիցներ, նրանց համար ընդունվել են անվտանգության հատուկ միջոցներ:

Ավելի վաղ ՄԱԿ փախստականների հարցերով գերագույն հանձնակատարի վարչությունը հայտարարություն էր հրապարակել, որում նախազգուշացրել էր փախստականների թվի հնարավոր աճի մասին՝ կապված Սիրիայի հյուսիսում սկսված ռազմական գործողության հետ:

ՄԱԿ մարդու իրավունքների հարցերով գերագույն հանձնակատարի վարչության պաշտոնական ներկայացուցիչ Ռուպերտ Կոլվիլն իր հերթին հայտարարել էր, որ Սիրիայի հյուսիսում Թուրքիայի ռազմական գործողության անցկացումը սկսելուց ի վեր զոհվել է 7 խաղաղ բնակիչ, ներառյալ 2 կին եւ երեխա: Եվս մեկ երեխա վիրավորվել է:

Հոկտեմբերի 9-ին Թուրքիայի նախագահ Թայիփ Էրդողանը հայտարարել էր Սիրիայի հյուսիսում «Խաղաղության աղբյուր» գործողություն սկսելու մասին՝ ուղղված Թուրքիայում արգելված Քուրդիստանի աշխատավորական կուսակցության եւ «Իսլամական պետություն» ահաբեկչական խմբավորման դեմ: Թուրքական ավիացիան նույն օրը հարվածներ էր հասցրել Սիրիայի Հասեքե նահանգում Ռաս էլ Այն քաղաքին:

Ավիահարվածների էր ենթարկվել Թուրքիային սահմանամերձ սիրիական եւս մեկ քաղաք՝ Թել Աբյադը: Ավելի ուշ հայտարարվել էր գործողության ցամաքային մասի մեկնարկի մասին: Թուրքիայի պաշտպանության նախարարության վերջին տեղեկություններով՝  «խաղաղության աղբյուր» գործողությունը սկսելուց հետո զինվորականները Սիրիայի հյուսիսում հարվածներ են հասցրել քրդական կազմավորումների 181 թիրախների վրա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԶԼՄ․ Թուրքիայում ձերբակալել են Քրդստանի բանվորական կուսակցության հետ կապ ունեցող 17 անձի
Ձերբակալվածներին տեղափոխել են տեղի ոստիկանական բաժանմունքներ․․․
Ժամանակը Թուրքիայի օգտին չի աշխատում. Մեզ պետք է ժամանակ շահել. Ստեփան Դանիելյան
Թուրքիայում շատ լավ են հասկանում ու հիմիկվա իրենց ագրեսինա հենց այդ՝ ժամանակ չունենալու գիտակցությունից է գալիս…
Քրդերը ոչ թե հարցի անուն են, այլ այդ հարցի տուժված կողմը. Դավութօղլու
Դավութօղլուն, դիմելով քուրդ երիտասարդներին, հայտարարել է, որ երիտասարդների տեղը ոչ թե լեռներում զենքով պայքարն է, այլ...
«Քրդստանի համայնքների միություն». Հրդեհների պատճառով Թուրքիայի որոշ շրջաններում քրդերի իսկական որս է սկսվել
Թուրքիային սուր քննադատության են ենթարկել հրդեհների դեմ ժամանակին միջոցներ չձեռնարկելու համար․․․
Էրդողանը քրդերին կապել է երկրում մոլեգնող անտառային հրդեհների հետ
Նրա խոսքով՝ ոստիկանությունը, հետախուզական ծառայությունը եւ ժանդարմերիան շարունակում են իրենց հետաքննությունները․․․
Թուրքիայի ՍԴ-ն մեղադրական եզրակացություն է ընդունել «Ժողովուրդների դեմոկրատիա» կուսակցությունն արգելելու պահանջով
«Ժողովուրդների դեմոկրատիան» քրդամետ կուսակցություն է...
Ամենաշատ