ՀՀ Էկոնոմիկայի նախարարի տեղակալներ Նաիրա Մարգարյանը և Ավագ Ավանեսյանը հանդիպել են «WCIT 2019» ՏՏ համաշխարհային համաժողովի պատվիրակներ  Հիլբերտ Վերդյանի և Նիլ Բանսալի հետ։

Այդ մասին NEWS.am-ին հայտնեցին Էկոնոմիկայի նախարարության մամուլի ծառայությունից։

Հիլբերտ Վերդյանը հանդիսանում է Quant Network-ի հիմնադիր և գործադիր տնօրենը։  Հանդիպման ընթացքում հիմնականում քննարկվել են հանրային ծառայություններում Բլոկչեյն տեխնոլոգիայի կիրառման հնարավորությունները մասնավորապես՝ առողջապահության, հարկային վարչարարության, թվային արժույթների և գույքի նկատմամբ իրավունքների գրանցման ոլորտներում։

BNP Paribas ֆինանսական խմբի կառավարիչ տնօրեն Նիլ Բանսալի հետ հանդիպման ընթացքում դիտարկվել են ձեռնարկատիրության մենթորների հարթակ գործարկելու մեխանիզմները և հետագա համագործակցության հեռանկարները, որի միջոցով ներուժ ունեցող ՓՄՁ-ները կստանան աճի իմպուլս։

Հանդիպումների արդյունքում պայմանավորվածություն է ձեռք բերվել փոխանակվել անհրաժեշտ տեղեկատվական ռեսուրսներով և համագործակցել նախագծերի շրջանակում։