News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Երևանի ընդհանուր իրավասության դատարանում՝ դատավոր Ռոբերտ Պապոյանի նախագահությամբ մեկնարկեց ԱԱԾ պաշտոնատար անձանց կողմից Հնդկաստանի քաղաքացուց կաշառք ստանալու գործով առաջին դատական նիստը։

Այս գործով ամբաստանյալի կարգավիճակում են ՀՀ ԱԱԾ Երևանի քաղաքային վարչության համապատասխան բաժնի բաժանմունքի նախկին պետ Էդիկ Ափոյանը, նույն բաժնի օպերլիազոր Գևորգ Գաբրիելյանը և Գոռ Մարտիրոսյանը, որոնց լիազորությունները ժամանակավորապես կասեցված են։

Համաձայն մեղադրական եզրակացության՝ Էդիկ Ափոյանը հանդիսանալով պետական ծառայություն իրականացնող ՀՀ ԱԱԾ պաշտոնատար անձ, կաշառք ստանալու շուրջ նախնական համաձայնության գալով նույն ծառայության մեկ այլ պաշտոնատար անձի՝  Գևորգ Գաբրիելյանի հետ, շորթմամբ,  ինչպես նաև՝ Գոռ Մարտիրոսյանի օժանդակությամբ, պահանջել և Հնդկաստանի Հանրապետության քաղաքացուց ստացել են առանձնապես խոշոր չափերով կաշառք։

Ըստ քննության տվյելների՝  հիշյալ անձինք 2019 թվականի հուլիսի 24-ին բաժին են բերել ՀՀ-ում կացության կարգավիճակ ունեցող և բնակվող Հնդկաստանի քաղաքացուն և սպառնացել են միջոցներ ձեռնարկել՝ վերջինիս ՀՀ-ից արտաքսելու, անհիմն պատասխանատվության ենթարկելու ուղղությամբ, արդյունքում շորթել են առանձնապես խոշոր չափերով՝  17.700 ԱՄՆ դոլար կաշառք, այնուհետև տուժողի նկատմամբ բռնություն գործադրելու սպառնալիքով, լրացուցիչ պահանջել են ևս 3.700 ԱՄՆ դոլար։

Հիշյալ հանցավոր արարքների կատարման համար Էդիկ Ափոյանին և Գևորգ Գաբրիելյանին մեղադրանքներ են առաջադրվել ՀՀ քրեական օրենսգրքի 309-րդ հոդվածի 1-ին մասով և 311-րդ հոդվածի 4-րդ մասի 2-րդ կետով, իսկ նրանց օժանդակելու համար Գոռ Մարտիրոսյանին մեղադրանք է առաջադրվել ՀՀ քրեական օրենսգրքի 38-309-րդ հոդվածի 1-ին մասով և 38-311-րդ հոդվածի 4-րդ մասի 2-րդ կետով:

Նրանց նկատմամբ, որպես խափանման միջոց է ընտրվել կալանավորումը։

Տպել
Կարդացեք նաև
Ամբողջը
Պերուի իշխանություններն արտակարգ դրություն են հայտարարել Լիմայում հանցավորության աճի պատճառով
Արտակարգ ռեժիմի ընթացքում կսահմանափակվեն քաղաքացիական որոշ իրավունքներ եւ ազատություններ...
Խուզարկությամբ հայտնաբերվեց մարիխուանա. Դավիթաշենի ոստիկանների բացահայտումը
Ոստիկանության Մաշտոցի բաժնի Դավիթաշենի բաժանմունքի ծառայողները ստացել...
Արքայազն Էնդրյուի փաստաբաններն ասել են, որ նա պատրաստ է ատենակալների դատին
Արքայազն Էնդրյուի դատապաշտպանների հայտարարությունում մերժվում են նրան ներկայացված բոլոր մեղադրանքները...
Դիլիջանի ոստիկաններն ապօրինի հրացան ու թմրանյութ են հայտնաբերել վագոն-տնակում
Ըստ 26-ամյա երիտասարդի՝ թմրանյութն իրենն է, պատրաստել է վայրաճ կանեփի...
Արցախի Դատախազությունը՝ Սամվել Բաբայանի որդու կողմից քաղաքացի Արթուր Օսիպյանին բռնության ենթարկելու լուրերի մասին
Վերջին օրերին սոցիալական ցանցերում տեղեկություններ են շրջանառվում Սամվել Բաբայանի որդու և նրա մերձավոր ազգականների կողմից ԱՀ քաղաքացի Արթուր...
Ընտրական հանձնաժողովի անդամի կեղծ վկայականներ՝ Լոռիում. Մարզի դատախազը ԿԸՀ-ին միջնորդագիր է հասցեագրել
ՀՀ կենտրոնական ընտրական հանձնաժողովից ստացված գրության համաձայն՝ թեև նշված անձինք ստացել են տեղամասային ընտրական հանձնաժողովում ընդգրկվելու...
Ֆոտոռեպորտաժներ