News
Լրահոս
News
Հինգշաբթի
Մարտ 28
Տեսնել լրահոսը

Ղարաբաղի ժողովրդի նկատմամբ խորին հարգանքից եւ  բարյացակամությունից բացի մենք մշտապես մեզ հետ հայրենիք ենք տարել հայկական կոնյակ եւ հանրահայտ ադրբեջանական «սեւ ցուցակը»: Այդ մասին հոկտեմբերի 11-ին Ստեփանակերտում կայացած Արցախի ընկերներ ֆորումի ժամանակ հայտարարել է Բրյուսելում Ֆրանկոֆոնիայի խորհրդարանի նախագահ Ժյուլի Դե Կխոտը:

Նա նշել է, որ իրեն անգամ հաջողել է քննարկել այդ տխրահռչակ «սեւ ցուցակների» հարցը Ադրբեջանի դեսպաններից մեկի հետ Կանադայից իր գործընկերոջ ներկայությամբ: «Մենք ունեցել ենք բավականին հետաքրքիր հանդիպում, քանի որ ես նրան ասել եմ, որ շատ զարմանալի է, երբ մարդուն հերիք չէ ներառում են այդ սեւ ցուցակում, դեռ ավելին, այդ մասին ծանուցում են ուղարկում նրան հենց «սեւ ցուցակում» առկայության տեսքով»,-շարունակել է կատակել Դե Կխոտը:

Ընդ որում՝ նա նկատել է, որ դեսպանը սիրալիր կերպով առաջարկել է նրանց ծագած «խնդիրը» լուծելու ուղին՝ ներողություն խնդրել, սակայն ոչ թե սովորական ներողություն, այլ գրավոր տեսքով, եւ այդժամ, այսպես ասած, «ամեն ինչ կհայտնվի իր տեղում»: «Եւ քանի որ մենք խոսում ենք ընկերության մասին, ես եւ իմ պատվիրակության անդամները հայտնել են նրան, որ ընկերությունը մեզ համար նշանակում է միմյանց աչքերի մեջ նայելու հնարավորություն, ոչ թե ձեզ նման անդեմ մարդու ներկայություն: Այդ իսկ պատճառով պարզ է, որ մեզ համար անընդունելի էր ներողություն խնդրել նրանցից որևէ բանի համար»,-ընդգծել է Ժյուլի Դե Կխոտը:

!
Այս նյութը հասանելի է նաև   Русский
Տպել
Ամենաշատ