Գերմանիայի Ստորին Սաքսոնիա դաշնային հողերում Գյոթինգենի իշխանությունները շաբաթ մոտ 14 հազար բնակիչների կոչ են արել լքել իրենց տները՝ քաղաքում հայտնաբերված Երկրորդ աշխարհամարտի տարիների ռումբի պատճառով, հայտնում է ՏԱՍՍ-ը՝ վկայակոչելով քաղաքային վարչակազմին:
Արկի վնասազերծման գործողության հետ կապված զգալիորեն սահմանափակվել է գնացքների երթեւեկությունը: Գյոթինգենի երկաթուղային կայարանը փակ է, շարժակազմերն անցնում են քաղաքում չկանգնելով: Մինչեւ երեկո շրջանի երկնքում, որտեղ ռումբը գտել են, արգելված է օդանավերի եւ այլ թռչող սարքերի թռիչքը:
Ռումբը հայտնաբերվել է անցյալ շաբաթ շինարարական աշխատանքների ժամանակ: Պայթյունավտանգ իրերի չեզոքացման գերմանական ծառայությունը մտադիր է այն վնասազերծել, երբ տարհանումն ամբողջությամբ կավարտվի:
