News
Լրահոս
News
Չորեքշաբթի
Նոյեմբեր 20
USD
476.98
EUR
527.68
RUB
7.46
ME-USD
0.06
Տեսնել լրահոսը

Շաբաթ օրը ցերեկը Ֆրանսիայում սկսվել է զանգվածային բողոքի ցույց՝ ընդդեմ Սիրիայում Թուրքիայի ռազմական գործողությունների։ Դրան, Քրդական ժողովրդավարական խորհրդի ֆրանսիական մասնաճյուղի (CDK-F) տվյալներով, մասնակցում է առնվազն 10 000 մարդ, հայտնում է ՏԱՍՍ-ը։

BFM հեռուստաալիքը հայտնել է, որ բողոքների մեկնարկը տվել է Ֆրանսիայում ապրող քրդերի հանրահավաքը, որն անցկացվել է Սենայի աջ ափին, Էյֆելյան աշտարակի դիմաց գտնվող Մարդու իրավունքների հրապարակում։ Դրան հետեւել է Փարիզի հակառակ կողմում՝ Հանրապետության հրապարակում սկսված խոշոր ցույցը։

Այնտեղ Քրդական ժողովրդավարական խորհրդի կոչով հավաքվել է ավելի քան 20 000 մարդ։ Ցուցարարները տարել են «Կպաշտպանենք Քրդստանը», «Ազատություն քուրդ ժողովրդին», «Ո՛չ գաղութատիրությանը, կեցցե՛ ազատությունը եւ արդարությունը» կարգախոսներով պաստառներ։ Ցույցը Հանրապետության հրապարակից շարժվել է դեպի փարիզյան ճեմուղիներ։

«Մենք հավաքվել ենք այստեղ, որպեսզի մեր ցասումը արտահայտենք։ Որովհետեւ հենց հիմա թուրքական ավիացիայի ռումբերի տակ խաղաղ բնակչություն է»,- լրագրողներին ասել է CDK-F-ի պաշտոնական ներկայացուցիչը։

!
Այս նյութը հասանելի է նաև   Русский
Տպել
Ամենաշատ