News
Լրահոս
News
Երեքշաբթի
Մարտ 19
Տեսնել լրահոսը

ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի հանդիպումը կարող եմ բնորոշել որպես ռազմական գործողությունների վերսկսման նախաբան։ Այս մասին այսօր՝ հոկտեմբերի 14-ին, լրագրողների հետ հանդիպմանն ասաց ռազմական-քաղաքական գործիչ Գեւորգ Գեւորգյանը։

«Իրականում այսօրվա ՀՀ իշխանությունը 1.5 տարի վարած ապազգային քաղաքականությամբ մեծ դաշտ ստեղծեց նույն  Ալիեւի եւ Ադրբեջանի ժողովրդի համար գռեհիկ եւ մարտական կոչերով հանդես գալու համար։ 

Եթե ռազմական գործողություններ սկսեն, ինչպե՞ս եք պատկերացնում, ինչպես ենք հետ շպրտելու հակառակորդին այս ապազգային քաղաքականության պայմաններում»,–նշեց նա։

Գեւորգ Գեւորգյանը շեշտում է՝ բանակին անհրաժեշտ է ամուր թիկունք. «Փառք ու պատիվ մեր հաղթանակած բանակին, բայց առաջնագիծը առանց ամուր թիկունքի, պառակտված ժողովրդով, թունավորված հասարակությամբ, քայլարածներով ու քայլչարածներով շատ վտանգավոր է։

Եթե հակառակորդը ռազմական գործողություններով կարողանա իր նպատակին ինչ–որ չափով հասնել, ապա դա այս կառավարության ապազգային քաղաքականության հետեւանքով է լինելու։ Ու հարկավոր չէ 2016-ի ապրիլի մասին խոսել, 800 հա մասին խոսել, մենք պետք է այդ ամենը մեզանից հետ մղենք եւ սթափ գնահատենք եւ հասկանանք՝ ինչ վտանգի առաջ ենք կանգնած»։

Անդրադառնալով Նժդեհի մասին Ալիեւի խոսքը եւ դրան Նիկոլ Փաշինյանի արձագանքին, Գեւորգ Գեւորգյանն ասաց. «Հերոսներին, արցախյան ազատամարտի լեգենդներին վարկաբեկելով՝ Նժդեհի մասին խոսելը ներկայիս իշխանության կողմից անհեթություն է։

Երբ իրենց հերոսները քայլածներն են ու պառկածները, երբ 4 կողմը թշնամություն ենք տեսնում, խոսել Նժդեհի մասին պոպուլիստական է։

Եթե Նիկոլ Փաշինյանը արձագանք չտար, գար Հայաստան, ինչ էին անելու իր հետ, ինքն էլ կարողանում է խոսել, ժամանակ ձգել»։

Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ