News
Լրահոս
News
Չորեքշաբթի
Նոյեմբեր 20
USD
476.98
EUR
527.92
RUB
7.49
ME-USD
0.06
Տեսնել լրահոսը

Գիտնականներին հաջողվել է վերականգնել եգիպտական Խատշեպսետ արքայադստեր սարկոֆագը, որ կոտրել էին թանկարժեք հնությունների գողերը։ Մոտ 4000 տարի առաջ ապրած արքայադստեր աճյունով սարկոֆագը հնագետները հայտնաբերել են Կահիրեից 40 կմ հեռավորությամբ, գրում է Drimtim.ru կայքը։

Խոսքը դամբարանի մասին է, որը կողոպտվել է դեռեւս հին ժամանակներում, այդ պատճառով մեր ժամանակներ են հասել միայն դիակապտների թողած մնացորդները։ Դրանց մի մասի վրա գիտնականները խորհրդանշաններ են տեսել, որոնք վերծանվել են որպես «Խատշեպսետ» եւ «փարավոնի դուստր»։

Խատշեպսետի սարկոֆագի տարիքը կազմում է 3800 տարի։ Արարողակարգային օբյեկտի վրա պատկերված է երիտասարդ կնոջ դեմք, որը ինչպես ենթադրվում է, եղել է 1793-1791թթ․ Եգիպտոսը ղեկավարած Ամենի Կեմաու փարավոնի դուստրը։ Փարավոնը թաղվել է «Սեւ բուրգում», իսկ արքայադստեր սարկոֆագը հայտնաբերվել է մոտակայքում։ «Մումիաների դեմքերը, որպես կանոն, իդեալականացված են, սակայն որոշ նմանություններ իրական արքայադստեր հետ, այնուամենայնիվ, պետք է լինի»,- նշել են հետազոտողները։

!
Այս նյութը հասանելի է նաև   Русский
Տպել