News
Լրահոս
News
Շաբաթ
Դեկտեմբեր 14
USD
477.51
EUR
533.9
RUB
7.66
ME-USD
0.05
Տեսնել լրահոսը

Սեպտեմբերի 28–ին Վայքի ջրատարում ջրահեղձ եղած 1 ամյա երեխայի հայրը՝  զինվորական Արտուշ Թարոյանն ահազանգում է՝  իրենց թաղամասով հոսող ջրատարն աղետ է դարձել ընտանիքի համար։

NEWS.am–ի հատ զրույցում Արտուշ Թարոյանը հայտնեց, որ իր տանից ընդամենը 8 մ հեռավորության վրա գտնվող բաց ջրատարը պատուհաս է դարձել տարածքում բնակվող 4 ընտանիքների համար։

«Ջրատարը 1,50–1,60 մ խորությամբ է, գտնվում է անմխիթար վիճակում, պարբերաբար տակից ջուր է թողնում։ Մշտապես մեր եւ հարակից 3 տներում ջուր է լցվում, փլվածքներ են առաջանում, 20 սմ բարձրությամբ ջուրը լցվել՝ մնացել է իմ այգում»,–դժգոհեց մեր զրուցակիցը։

Թարոյանը նշեց, որ բնակիչները  տարիներ շարունակ բարձրաձայնել են խնդրի մասին՝ հորդորելով պատկան մարմիններին ծածկել ջրատարը կամ գոնե վերանորոգել, սակայն ապարդյուն։

«Պատկան մարմիններն իրար վրա են գցում, քանի որ ծախսատար է, դիմել ենք մարզպետարանին, քաղաքապետարին, ջրային կոմիտեին. բնակիչներով ստորագորահավաք ենք արել, սակայն ամեն մեկն իր հերթին ասաց՝ ջրատարը  մերը չէ»,–ասաց նա։

Զինվորականը պատմեց, որ նախքան մանկահասակ երեխայի մահվան դեպքը՝ ջրատարից հոսող ջրի պատճառով փլուզվել են իր տան աստիճանները։

Խոսելով ողբերգական դեպքի մասին, հայրը պատմեց, որ ամեն ինչ տեղի է ունեցել հաշված րոպեների ընթացքում։

«Դեպքը տեղի է ունեցել 1-2 րոպեի ընթացքում, էրեխան տանն է եղել, իսկ մեծ աղջիկս խաղող է լվանալիս եղել, այդ ընթացքում երեխան գնացել, ընկել է ջուրը»,–պատմեց նա։

NEWS.am–ի հետ զրույցում Վայք համայնքի ղեկավար Թարո Ավետյանը նշեց, որ մեկ շաբաթ է արդեն ոռոգման ջուրն անջատել են, որպեսզի ոռոգման ցանցում վերանորոգման աշխատանքներ իրականացնեն։ Նա նշեց, որ ջրատարի այն հատվածում, որին հարակից բնակելի տներ կան, ջուրը կանցկացնեն խողովակաշարի միջոցով։

Հարցին, թե ինչու՞ խնդիրը չէին լուծում մինչեւ երեխայի հետ կատարված դեպքը, Ավետյանը պատասխանեց.

«Նյութական միջոցներ չկային, հիմա հայթայթել ենք»։

Հիշեցնենք, որ սեպտեմբերի 28-ին, ժամը 18:42-ին «911» ծառայություն տեղեկություն է հաղորդվել, որ Վայոց Ձորի մարզի Վայք քաղաքի  Ջերմուկի խճուղու առաջին նրբանցքում կորել է 1 տարեկան երեխա։ Դեպքի վայր ժամանած փրկարարները եւ ոստիկանները Վայքի մայր ջրատարից դուրս են բերել 1–ամյա Արամ Թ.-ի դին:

Տպել
Կարդացեք նաև
Ամբողջը
Մարմնի 90 տոկոս այրվածքներով Այրվածքաբանության կենտրոն է տեղափոխվել միջին տարիքի մի տղամարդ
Ըստ նախնական տեղեկությունների՝ տղամարդը վնասվածքները ստացել է Նոր Նորք վարչական շրջանում…
Մտել էր թոշակառուների բնակարաններ ու 1 միլիոն դրամից ավելի փող գողացել
Հարուցված քրեական գործի նախաքննությունը շարունակվում է․․․
70․000 դոլար գողացած տղամարդը բերման է ենթարկվել ու ձերբակալվել
Դեպքի վայր մեկնած ոստիկանության և քննչական կոմիտեի ծառայողները տեղում․․․
Առաջին անգամ էր իմ պրակտիկայում այդ կառուցվածքով քրեական գործ. Վարոսյանը՝ Արսեն Բաբայանի գործի մասին
Մեղադրանքում նկարագրված դեպքը որպես այդպիսին գոյություն չունի...
«Դատապարտյալների հիվանդանոց» քրեակատարողական հիմնարկում կալանավոր է մահացել
Հ. Թումանյանը կալանավորվել և ՀՀ ԱՆ «Վանաձոր» քրեակատարողական հիմնարկ էր ընդունվել 07.12.2019թ., ապա 12.12.2019թ.-ին քրեակատարողական հիմնարկի․․․
Արա Բաբլոյանի եւ Արսեն Բաբայանի վերաբերյալ քրեական գործի նախաքննությունն ավարտվել է
Մեղադրվում է ՀՀ քրեական օրենսգրքի...
Ամենաշատ