News
Լրահոս
News
Երեքշաբթի
Մարտ 19
Տեսնել լրահոսը

Հոկտեմբերի 14-ին Կաննում բացվել է MIPCOM միջազգային ցուցահանդեսը, որտեղ հայկական «Հիբրիդ Սոլյուշնս» ընկերությունը ներկայացնում է իր նոր՝ TV Rights Online նախագիծը:

MIPCOM ցուցահանդեսը աշխարհի ամենամեծ իրադարձությունն է ժամանցային քոնթենթի ոլորտում: Այն եթերային, կաբելային, թվային եւ արբանյակային հեռուստատեսության եւ ռադիոհեռարձակման համար կինոնկարներ եւ ծրագրեր արտադրողների միջազգային ֆորում է:

Ամբողջ աշխարհի հեռուստատեսության, տեսաֆիլմերի, կաբելային եւ արբանյակային տեխնոլոգիաների արդյունաբերության ներկայացուցիչները տարին մեկ անգամ հանդիպում են Կաննում ապագայում արդյունավետ աշխատանքի համար բանակցություններ վարելու, հեռանկարային գործարար կապեր հաստատելու եւ զարգացնելու նպատակով:Ամեն տարի ավելի քան երկու հազար կազմակերպություն մասնակցում է ցուցահանդեսին:

Ամենամյա ցուցահանդեսի մասնակիցների թվում Դուք կարող եք հանդիպել «HBO», «Netflix», «Sony», «BBC Studios», «Discovery», «Walt Disney», «ALJAZEERA», «Amazon» եւ շատ այլ հայտնի ընկերությունների:

Այս տարի «Հիբրիդ Սոլյուշնս» հայկական ընկերությունը MIPCOM ցուցահանդեսին ներկայացնում է իր նոր՝ «TV Rights Online» նախագիծը:

«Հիբրիդ Սոլյուշնս» ընկերության մասին

«Հիբրիդ Սոլյուշնս» ընկերությունը հիմնադրվել է 2011 թվականին եւ հանդիսանում է Հայաստանի IP-ի եւ բջջային հեռուստատեսության ոլորտի խոշորագույն ընկերություններից մեկը, օգտագործում է նորագույն մշակումներ եւ նորարարական տեխնոլոգիաներ համագործակցելով հեռահաղորդակցման խոշոր օպերատորների հետ, ինչպիսին է «Ռոստելեկոմ Արմենիա» ընկերությունը եւ առաջարկում է բազմազան հեռուստաալիքների ցանկ:

«Հիբրիդ Սոլյուշնս» ընկերությունը հեռուստաալիքների հեռարձակման  իրավունք է տրամադրում երկրի շատ հայտնի հյուրանոցների, ինչպիսիք են «Tsakhkadzor Mariott», «Golden Palace» «Radisson Blue», ինչպես նաեւ երկար տարիներ համագործակցում է այնպիսի հայտնի կորպորացիաների հետ, ինչպիսիք են «BBC», «CNN», «CNBC», «Discovery», «AL Jazeera»,  «Russia Today» եւ այլն:

Իրավատերերի եւ շահառուների հետ երկար տարիների աշխատանքի եւ սերտ համագործակցության արդյունքում «Hybrid Solutions» ընկերության  հիմնադիրները որոշեցին ստեղծել ամբողջովին նոր, թվային, համաշխարհային հարթակ:

«TV Rights Online» նախագծի ստեղծման գաղափարը առաջացել է 2017 թվականին:

Ավելի քան երկու տարի է, ինչ երկրի լավագույն ծրագրավորողների թիմը աշխատել է հարթակի ստեղծման վրա, որը զգալիորեն կարագացնի  եւ կհեշտացնիհյուրանոցներում եւ այլ բազմակի զբաղվածության վայրերում հեռուստաալիքների իրավունքների տարածման գործընթացը:

Ընկերության հիմնադիր՝ Արա Յագջյանի խոսքերով հարթակը ունի շատ առավելություններ,ինչպես իրավատերերի, այնպես էլ շահառուների համար, որիարդյունքում շահում են երկու կողմերը:

«TV Rights Online» նախագիծը թվային, օնլայն կամուրջ է, որը հնարավորինս պարզ է դարձնում հեռուստաալիքների հեռարձակման իրավունքներիգնումը եւ վաճառքը:

TV Rights Online նախագծի մասին

TV Rights Online հարթակը ստեղծվել է հեռուստաալիքների իրավատերերի եւ բազմակի զբաղվածության տարբեր վայրերի միջեւ հարմար համագործակցության համար (իրավատերեր եւ շահառուներ):

Պարզապես պետք է գրանցվել՝ լրացնելով գրանցման ձեւը:

Իրավատերերի համար գրանցումը բացարձակապեսանվճար է, իսկ շահառուները կկարողանան փորձարկել7-օրյա անվճարփորձնական տարբերակը եւ որոշել թե որ բաժանորդագրությունն է առավելագույնս համապատասխանում նրանց կարիքներին:

Հարթակը առաջարկում է երեք տեսակի բաժանորդագրություն.

  •              մեկ տարվա համար
  •              երեք տարվա համար
  •              հինգ տարվա համար

Բաժանորդագրումը գնելուց հետո հյուրանոցները եւ գրանցված այլ բազմակի զբաղվածության վայրերըկկարողանան ընտրել ցանկացած հեռուստաալիք մեծ ցուցակից եւ ձեռք բերել իրավունքներ ընդամենը մի քանի հպումով:

TV Rights Onlineհարթակի առավելություններն են.

  •              Բազմաթիվ դաշնային ալիքներ տրամադրում են իրենց լիցենզիան անվճար,համապատասխանաբար, հյուրանոցի կամ այլ բազմակի զբաղվածության վայրերի ներկայացուցիչները պետք է ընդամենը գրանցվեն կայքում եւ ձեռք բերեն ալիքը հեռարձակելու իրավունք:
  •              Իրավատերը ավելացնում է իր հեռուստաալիքի դիտողների քանակը, իսկ շահառուն ձեռք է բերում իրավունք դաշնային ալիքը ցուցադրելու համար՝ առանց որեւէ վճարումների:
  •              Հարթակը կապ չունի գնային քաղաքականության հետ, նույնիսկ եթե իրավատերը որոշի հեռուստաալիքների հեռարձակման համար իրավունքներ տրամադրել բացարձակապես անվճար:
  •              Հարթակը հասանելի է ամբողջ աշխարհում, ուստի գրանցված բազմակի զբաղվածության վայրերը եւ բոլոր նրանք, ովքեր այցելում են կայքը, մուտքի իրավունք կստանան դեպի հեռուստաալիքների ամբողջական ցուցակը, որի արդյունքում հեռուստաալիքները հնարավորություն կունենան ավելի հանրաճանաչ դառնալու եւ մեծացնելու հեռուստադիտողների քանակը ամբողջ աշխարհում:
  •              Իրավատերերը կստանան բացառիկ հնարավորություն իրենց հեռուստաալիքները հեռարձակելու համար, իսկ նրանց մշտական լսարանը հնարավորություն կունենա դիտելու իրենց սիրելի հեռուստաալիքները աշխարհի ցանկացած վայրում:
  •              Իրավատերերը միշտ կունենան պատրաստի վիճակագրություն, եւ նրանք տեղյակ կլինեն, թե աշխարհի որ մասում են հանրաճանաչ իրենց հեռուստաալիքները, հետեւաբար, հնարավորություն կլինի բարելավել Գեոթարգեթինգի քաղաքականությունը:

TVRightsOnline նախագծ ապագայի ծրագրերը

Ինչպես նշել է ընկերության գլխավոր տնօրեն՝ Արթուր Ամիրխանյանը, մասնագետների թիմը մեծ աշխատանք է կատարել միջազգային ամրագրման հարթակների եւ առանձին ագրեգատորների վերաբերյալ տեղեկություն հավաքագրելու եւ ուսումնասիրելու ուղղությամբ:

Հիմնվելով տարբեր հետազոտական ընկերությունների տվյալների վրա, որոնք մասնագիտացված են հյուրանոցային ոլորտումմեծ թվով տվյալների վերլուծության ուղղությամբ, պարզվել է, որներկայումս աշխարհում կան մոտ մեկ միլիոն բազմակի զբաղվածության վայրեր, որոնցից հինգ հարյուր հազարը դասակարգված հյուրանոցներ են՝ շնորհված «աստղերով», ավելի քան 250 հազար հյուրանոց հեռարձակում է որոշ հեռուստաալիքներ խախտումներով: Այդ հյուրանոցների մեծ մասը 2-4 աստղանի հյուրանոցներ են Ասիայում եւ Լատինական Ամերիկայում: Մոտ ապագայում TV Rights Onlineհարթակը նպատակ ունի ներառել այդ հյուրանոցների առնվազն հինգ տոկոսը (12,5 հազար):

Առաջին փուլում TV Rights Online-ըպլանավորում է համագործակցել Վրաստանի, ԱՊՀ երկրների, ինչպես նաեւ ԱՄԷ-ի հետ:

TV Rights Online-ի նպատակն է անել հնարավոր ամեն ինչ իրավատերերին եւ շահառուներին միավորելու համար, կազմակերպել հարմար, թափանցիկ եւ փոխշահավետ միջավայր երկու կողմերի համար՝ առանց մտավոր սեփականության իրավունքների խախտման եւ տրամադրել բարձրորակ հեռուստաալիքներ ամբողջ աշխարհի օգտվողներին:

!
Այս նյութը հասանելի է նաև   English and Русский
Տպել
Ամենաշատ