News
Լրահոս
News
Երեքշաբթի
Մարտ 19
Տեսնել լրահոսը


Այսօրվա Հայաստանի իշխանության վրած քաղաքականությունը Ղարաբաղի հարցում շարունակությունն է Լեւոն Տեր-Պետրոսյանի քաղաքականության. դա հետեւյալն է՝ Սերգո ջան, լավ չենք ապրելու, մինչեւ Ղարաբաղը չհանձնենք: Այս մասին, այսօր՝ հոկտեմբերի 15-ին, լրագրողների հետ զրույցում նշեց գեներալլեյտենանտ Վիտալի Բալասանյանը:

«Լեւոն Տեր-Պետրոսյանի ծրագիրն էր Արցախին տալ լայն ինքնավարություն Ադրբեջանի կազմում: Նա այդ ծրագրից չի հրաժարվել»,-հայտարարեց գեներալը:

Նրա խոսքով, այն տեսլականը, որի մասին խոսում է Նիկոլ Փաշինյանը, չկա այդպիսի տեսլական. «Այն, որ ասում է՝ նոր փաստաթղթեր է փոխանցել Արցախի իշխանություններին, դա գուցե հին փաստաթղթեր են, նոր փաստաթուղթ չի հանձնել: տարիներ շարունակ բանակցություններում ինչի մասին պետք է խոսվեր, թե ՀՀ նախագահ, թե ԱԳ նախարարը ներկայացրել են Արցախի իշխանություններին, կամ Երեւանում քննարկել են, ինչի մասին պետք է խոսվի կայանալիք բանակցություններում: Այսօր Հայաստան-Ռուսաստան դիվանագիտական խողովակը փշրված է, Հայաստան-Իրան դիվանագիտական խողովակը փշրված է: Համայն հայությունը տեղյակ է, թե ինչ բանակցություններ է վարում Նիկոլ Փաշինյանն ԱՄՆ-ում: Նա հանդիպում է Ադամ Շիֆի հետ, ով ԱՄՆ նախագահին իմպիչմենտի գործընթացի հեղինակն է: Սա՞ է արդյոք Փաշինյանի վարած քաղաքականությունը»,-հայտարարեց Բալասանյանը:

Նա վստահություն հայտնեց, որ Արցախը միշտ լինելու է հայկական, մինիմում ներկա տարածքներով. «Երբեւիցե Արցախը առայժմ ՀՀ մարզ չի լինելու: Երկրորդ Արցախը երբ մինիմում ներկա սահմաններով միշջազգայնորեն կճանաչվի, Արցախը համայն հայության սեփականությունն է հանդիսանում իր բնակչությամբ: Ես չեմ ասում ոչ մի թիզ հող, ես հիվանդ չեմ, ես գիտեմ, թե ոնց կարող ենք այդ «ոչմիթիզական»-ին տեր կանգնել: Արցախն այսօր ունի 12 հազար քմ տարածք, 150 հազար բնակչություն, ունի Սահմանադրություն, պետական ինստիտուները եւ Արցախը երկրորդ հայկական պետությունն է»:

Դիտարկմանը, որ Փաշինյանը հայտարարել է, որ պետք է բարձրացնել Արցախի սուբյեկտությունը, որպեսզի Արցախը բանակցային լիիրավ կողմ դառնա, Վիտալի Բալասանյանը հակադարձեց. «Նիկոլ Փաշինյանի իշխանության գալուց մենք տեսանք անհատներ, խմբեր, կուսակցություններ ժամանակ առ ժամանակ բարձրաձայնում էին, որ Արցախը Հայաստանի մարզ է, իսկ օգոստոսի 5-ին Նիկոլ Փաշինյանը հայտարարեց՝ «Արցախը Հայաստան է եւ վերջ»: Դրանով երեւի ուզեցել է ասել, որ ես եմ ձեր ընդհանուր ղեկավարը: Նիկոլ Փաշինյանը չարաչար սխալվում է: Դա քաղաքականության մեջ նորմ չէ: Դա վտանգավոր է, նա մտածված է արել;

Ես վստահ եմ, որ այն քաղաքականությունը, որ վարում է Նիկոլ Փաշինյանը, Լեւոն Տեր-Պետրոսյանի փաթեթն է:

Պետք չի հրաժարվել այն փաթեթից, որ կար մինչեւ իր իշխանության գալը: Հիմա Փաշինյանը եկել ասում է՝ նոր տեսլական է լինելու: Այսինքն այս 22 տարվա Մինսկի խմբի աշխատանքը հօդս է ցնդում: Մենք տեսանք Ադրբեջանի նախագահի հայտարարությունը, Լավրովի հայտարարությունը, դրսից տարբեր հայտարարություններ, որոնք բոլորը բացասական են արձագանքել Նիկոլ Փաշինյանի այդ հայտարարությանը: ՀՀ իշխանությունները պետք է հետ վերադառնան եւ այն սխալները, որ արել են վերջին 1,5 տարվա ընթացքում, արագ շտկեն»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ