«Տրանսֆորմացնելով ինտելեկտը» թեմայով Գլոբալ ինովացիոն երկրորդ համաժողովը՝ (Global Innovation Forum (GIF) on “Transforming Intelligence”) Հայաստանում կբացվի հոկտեմբերի 16-ին։ Դրան կմասնակցեն ամբողջ աշխարհից առաջատար գիտնականներ։

Համաժողովը կոչված է ուսումնասիրել արհեստական ինտելեկտի ազդեցությունը գիտության եւ հասարակության վրա՝ գիտական, տեխնոլոգիական եւ արդյունաբերական տեսանկյունից։

GIF19-ի ընթացքում գիտնականները եւ առաջնորդները կմասնակցեն ակադեմիական քննարկումների եւ բանավեճերի՝ ներկայացնելով իրենց փորձը եւ հետազոտության արդյունքները։ Խոսնակները ներկայացնում են այնպիսի ընկերություններ, ինչպիսիք են Google-ը, Facebook-ը, Microsoft-ը, Flagship Pioneering-ը, ինչպես նաեւ Ալաբամայի, Թել Ավիվի, Հարվարդի, Ստենֆորդի, Բերքլիի համալսարանները, Մասաչուսեթսի տեխնոլոգիական ինստիտուտը։

Համաժողովը, որ կազմակերպել է Հայաստանի գիտատեխնիկական հիմնադրամը (FAST), կանցկացվի հոկտեմբերի 16-18-ը։