News
Լրահոս
News
Ուրբաթ
Նոյեմբեր 15
USD
477.57
EUR
526.28
RUB
7.48
ME-USD
0.06
Տեսնել լրահոսը

ՀՀ պաշտպանության նախարարության եւ ՄԱԿ-ի բնակչության հիմնադրամի հայաստանյան գրասենյակի համագործակցության 2019թ. ծրագրի շրջանակներում ՀՀ ՊՆ մարդու իրավունքների եւ բարեվարքության կենտրոնի պետ, գնդապետ Ալեքսանդր Ավետիսյանն այցելել է 1-ին եւ 4-րդ զորամիավորումների ենթակայությամբ գործող զորամասեր: Այս մասին հայտնում են ՊՆ-ի լրատվության բաժնից։

Փորձագետների խմբի հետ իրականացված այցի շրջանակում հանդիպում է կազմակերպվել զորամասերից մեկի կին զինծառայողների հետ՝ զինված ուժերում կանանց իրավունքների պաշտպանության եւ հավասար հնարավորությունների ապահովման վերաբերյալ նրանց իրազեկվածությանը, առկա խնդիրներին, ինչպես նաեւ դրանց լուծման վերաբերյալ կին զինծառայողների դիրքորոշումներին ծանոթանալու նպատակով:

Զինված ուժերում կանանց ներգրավման եւ նրանց ինտեգրմանն առնչվող հարցերի շուրջ քննարկումներ են անցկացվել նաեւ զորամասերի հրամանատարական եւ շարքային կազմի հետ:

!
Այս նյութը հասանելի է նաև   English
Տպել
Ֆոտոռեպորտաժներ