ԱՄՆ նախագահ Դոնալդ Թրամփը հայտնել է «Թուրքիայից լավ լուրերի» մասին եւ շնորհակալություն է հայտնել երկրի նախագահ Էրդողանին։
«Հրաշալի նորություններ Թուրքիայից։ Շնորհակալություն Թուրքիայի նախագահ Ռեջեփ Թայիփ Էրդողանին։ Միլիոնավոր կյանքեր կփրկվեն»,- Twitter-ում գրել է Թրամփը։
Հիշեցնենք, որ ԱՄՆ փոխնախագահ Մայք Փենսը եւ պետքարտուղար Մայք Պոմպեոն նախօրեին ժամանել էին Անկարա։ Այսօր նրանք հանդիպել են Էրդողանի հետ, որպեսզի համոզեն նրան դադարեցնել կրակը Սիրիայի հյուսիսիում։