Հայաստանի ԱԻՆ-ում, հոկտեմբերի 17-ին, ժամը 12:28-ին «911» ծառայություն տեղեկություն է հաղորդվել, որ Գեղարքունիքի մարզի Արմաղան լեռան տարածքում ավտոմեքենա է կողաշրջվել, տուժածներ չկան. ավտոմեքենան ուղղելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարներն ուղղել և երթևեկելի հատված են դուրս բերել «Land Rover» մակնիշի ավտոմեքենան (վարորդ՝ Միխաիլ Մ., ծնված 1989 թ., Հունգարիայի քաղաքացի):
