Անկարան կշարունակի գործողությունը Սիրիայում, եթե ԱՄՆ-ը չպահի քրդական ուժերն անվտանգության գոտուց դուրս բերելու խոստումները, ասել է Թուրքիայի նախագահ Թայիփ Էրդողանը, տեղեկացնում է ՌԻԱ «Նովոստի»-ն։
«Եթե ԱՄՆ-ը չպահի խոսքը մինչեւ երեքշաբթի երեկո, ապա անվտանգության գոտու թեման կլուծվի։ Այլապես գործողությունը կշարունակվի նույն տեղից, որտեղ հիմա թողնվել է»,- ասել է Էրդողանը՝ ելույթ ունենալով Ստամբուլում։
Էրդողանը եւ ԱՄՆ փոխնախագահ Մայք Փենսը հինգշաբթի պայմանավորվել են 120 ժամով դադարեցնել թուրքական գործողությունը Սիրիայում սիրիացի քրդերի ինքնապաշտպանության ուժերը Թուրքիայի հետ սահմանից հեռացնելու համար։ Փենսն ասել է, որ պայմանավորվածությունները ենթադրում են քրդական ուժերի դուրսբերում Թուրքիայի եւ Սիրիայի սահմանի 30 կիլոմետրանոց անվտանգության գոտուց եւ որ ԱՄՆ-ը կնպաստի այդ գործընթացին։ Փենսը նշել է, որ ԱՄՆ զորքերն այդ շրջան չեն վերադառնա։
