Մեծ Բրիտանիայի խորհրդարանում շաբաթ օրը բրեքզիթի ծրագրի հարցով քվեարկություն տեղի կունենա, հաղորդում է Associated Press-ը:
Դա վճռորոշ պահ կդառնա, որը, հավանաբար, վերջ կդնի այն փակուղուն, որում հայտնվել էր Մեծ Բրիտանիան՝ կապված ԵՄ կազմից երկրի դուրսբերման հետ:
Գործակալությունը նշում է, որ եթե խորհրդարանը կողմ քվեարկի բրեքզիթի վերաբերյալ համաձայնագրին, ապա դա կնշանավորի վարչապետ Բորիս Ջոնսոնի հաղթանակը:
Բացառված չէ նաեւ, որ Ջոնսոնի ծրագիրը կընդունվի փոփոխություններով:
Համաձայնագիրը պետք է հավանություն ստանա նաեւ Եվրախորհրդարանի կողմից, որը, սակայն, քիչ հավանական է, որ դեմ կքվեարկի ԵՄ-ից Մեծ Բրիտանիայի դուրսբերման հարցով գործարքին: