News
Լրահոս
News
Հինգշաբթի
Նոյեմբեր 14
USD
477.46
EUR
526.02
RUB
7.42
ME-USD
0.06
Տեսնել լրահոսը

Դոնալդ Թրամփի խորհրդականներն առաջարկել են Թուրքիայի վրա ճնշում գործադրելու մի քանի տարբերակ, որոնցից մեկը Հայոց ցեղասպանության ճանաչումն է: Այդ մասին ասվում է Newsweek կայքում հրապարակված հոդվածում:

Ինչպես պարբերականին հայտնել է ԱՄՆ-ի ազգային անվտանգության խորհրդի ներկայացուցիչը, քննարկվող տակտիկաներից մեկը Օսմանյան Թուրքիայում միլիոնավոր հայերի եւ մյուս էթնիկ փոքրամասնությունների սպանությունը որպես ցեղասպանություն ճանաչելու սպառնալիքն է:

Հոդվածում նշվում է, որ սենատորներ Բոբ Մենենդեզը, Թեդ Քրուզը, ԱՄՆ-ի նախագահի թեկնածուներ Էլիզաբեթ Ուորենը եւ Քամալա Հարիսը, ինչպես նաեւ Թուլսի Հաբարդը քվեարկել են Հայոց ցեղասպանությունը ճանաչելու բանաձեւի օգտին: Այդ հարցը սատարում է նաեւ հայտնի հեռուստաաստղ Քիմ Քարդաշյանը:

Նախագահին ներկայացվել են պատերազմական Սիրիայից զորքերի դուրս բերման մի քանի նախագծեր: Դրանք ներառել են տնտեսական եւ քաղաքական ճնշում ենթադրող միջոցառումներ, սակայն «դրա փոխարեն Թրամփը գերադասել է շուտափույթ նահանջելը երկու ուժերի միջեւ գալիք բախումից խուսափելու համար»:

Հոդվածում հիշատակվում է, որ «Թրամփը սպառնացել է բարձրացնել պողպատի սակագինը, ընդհատել 100 միլիարդ դոլարի չափով առեւտրային գործարքի բանակցությունները, սակայն չի օգտագործել Հայոց ցեղասպանության դիվանագիտական լծակը»:

Սակայն ԱՄՆ-ի եւ Թուրքիայի միջեւ հրադադարի մասին գործարքն ընդունվել է զգուշավոր սկեպտիցիզմով նրանց կողմից, ովքեր վախենում են, որ պատմությունը կկրկնվի: Newsweek-ին ուղղարկված Ամերիկայի Հայերի ասամբլեայի հայտարարության մեջ նշվում է, որ կազմակերպությունը կիսում է կոնգրեսականների մտահոգությունն այն մասին, որ ԱՄՆ-ի քուրդ դաշնակիցները, ինչպես նաեւ մյուս էթնիկ փոքրամասնությունները, այդ թվում՝ հայերն ու ասորիները, գտնվում են վտանգի տակ:

«Միջազգային հանրությունը չպետք է մնա ստվերում եւ պարզապես հետեւի Սիրիայի էթնիկ ու կրոնական փոքրամասնությունների նկատմամբ Թուրքիայի սարսափելի չարագործություներին: Մեր պարտքն է պաշտպանել նրանց, ում կյանքը վտանգված է, եւ մենք պատասխանատու ենք թույլ չտալ վայրագությունների իրականացումը»,-հայտարարել են Ասամբլեայում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ սենատորը կոչ է անում անմիջապես ընդունել Հայոց ցեղասպանության ճանաչման մասին բանաձեւը
Ռոբերտ Մենենդեսը կոչ է արել անմիջապես քվեարկել Հայոց ցեղասպանության ճանաչման մասին բանաձեւի ընդունման օգտին…
Էրդողանի հետ հանդիպումից հետո ամերիկացի սենատորն արգելափակել է Հայոց ցեղասպանության ճանաչման բանաձեւը
Լինդսի Գրեմը արգելափակել է Ցեղասպանության բանաձեւի ընդունումը...
Եվս 2 սենատոր աջակցել է Հայոց ցեղասպանության ճանաչման բանաձեւին
Բանաձեւի հեղինակներն են սենատորներ Ռոբերտ Մենենդեսն ու Թեդ Քրուզը...
Սերգեյ Լավրովն այցելել է Հայոց ցեղասպանության զոհերի հուշահամալիր (ֆոտո)
Սերգեյ Լավրովը ծաղկեպսակ է դրել Հայոց ցեղասպանության զոհերի հուշարձանին…
Հայ դատի հանձնախումբը բողոքի ակցիա կկազմակերպի Վաշինգտոնում Թրամփի հետ Էրդողանի հանդիպման առիթով
Ամերիկայի Հայ դատի հանձնախումբը բողոքի ակցիա կկազմակերպի Էրդողանի եւ Թրամփի հանդիպումից առաջ...
ԱՄՆ միջազգային կրոնական ազատության հարցերով հանձնաժողովը ողջունում է Հայոց ցեղասպանության ճանաչումը
USCIRF-ը բարձր է գնահատում ԱՄՆ Ներկայացուցիչների պալատի ընդունած Հայոց ցեղասպանության ճանաչման բանաձեւը…
Ֆոտոռեպորտաժներ