News
Լրահոս
News
Երեքշաբթի
Նոյեմբեր 12
USD
477.22
EUR
526.33
RUB
7.47
ME-USD
0.05
Տեսնել լրահոսը

Զինծառայող Արա Ներսիսյանը ծառայակցի գլխի ուղղությամբ կրակելու եւ նրան ծանր, կյանքին սպառնացող վտանգ հասցնելու մեղադրանքով չի դատապարտվել: Նրա նկատմամբ համաներում է կիառվել: Այս մասին տեղեկանում ենք «Դատալեքս» դատական տեղեկատվական համակարգից: 

Արա Ներսիսյանին մեղադրանք է առաջադրվել այն բանի համար, որ նա հանդիսանալով պարտադիր ժամկետային զինծառայող, 2016 թվականի նոյեմբերի 22-ին` ժամը 03:30-ի սահմաններում անպարկեշտ ձևով ստորացրել է Ազնավուր Բալեյանի պատիվն ու արժանապատվությունը:
Բացի այդ, նույն օրը` ժամը 09:40-ի սահմաններում, գտնվելոց աֆեկտի վիճակում, Ազնավուր Բալեյանին դիտավորությամբ կյանքից զրկելու նպատակով, մեկ կրակոց է արձակել Ազնավուր Բալեյանի գլխի ուղղությամբ, վերջինիս պատճառել է կյանքին վտանգ սպառնացող մարմնական վնասվածք: Արա Ներսիսյանի կամքից անկախ հանգամանքներով հանցագործությունը ավարտին չի հասցվել:

«Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ Ազգային ժողովի 2018 թվականի նոյեմբերի 1-ի թիվ ՀՕ-414-Ն օրենքի 2-րդ հոդվածի 5-րդ կետի կիրառմամբ Արա Ներսեսյանի նկատմամբ ՀՀ քրեական օրենսգրքի 34-105-րդ հոդվածի 1-ին մասով քրեական հետապնդումը դադարեցնել և քրեական գործի վարույթը կարճել:

Տպել