News
Լրահոս
News
Կիրակի
Նոյեմբեր 17
USD
477.57
EUR
526.28
RUB
7.48
ME-USD
0.06
Տեսնել լրահոսը


Չէի ցանկանա՝ ՍԴ նախագահ Հրայր Թովմասյանի դեմ քրեական գործ հարուցելու գործընթացը դիտվեր քաղաքական հետապնդում, քանի որ այն գտնվում է իրավապահների դաշտում։ Այս մասին այսօր՝ հոկտեմբերի 21-ին, լրագրողների հետ զրույցում ասաց ՀՀ փոխվարչապետ Տիգրան Ավինյանը։

«Իրավական տեսանկյունից կարող եմ ասել, որ քրեական գործ է հարուցվել դեպքի առթիվ, եւ Հրայր Թովմասյանը որեւէ կարգավիճակ չունի այդ քրեական գործում։ Հանգամանքները պարզելու համար որոշակի մարդիկ, իհարկե, հրավիրվում են ԱԱԾ, զուտ իրավական մասով պետք է հետեւենք ընթացքին՝ հասկանանք՝ ինչ է այնտեղ կատարվում։ Քաղաքական մասով ասեմ՝ եկեք մեր մի փոքր իրականությանը վերադառնանք, վերհիշենք այն բոլոր գործընթացները, որոնք տեղի են ունեցել նախկինում ՍԴ նախագահի ընտրության հետ կապված, որովհետեւ ինձ մոտ տպավորություն է ստեղծվում, որ այս բոլոր պրոցեսներում մոռանում ենք, թե անցյալում ինչ է տեղի ունեցել։ Ես, միանշանակ, վստահ եմ, որ ՍԴ-ն, այս պահի դրությամբ, ունի լեգիտիմության խնդիր։ Չէի ուզենա քաղաքական հետապնդում դիտվեր որեւէ գործընթաց, որը գտնվում է իրավապահների դաշտում, այնուամենայնիվ, քաղաքական առումով պետք է արձանագրել, որ իրականում կա խնդիր ՍԴ-ում»,- ասաց Ավինյանը։

Նա նշեց, որ ՍԴ-ում առկա խնդիրները ինչ-որ ժամանակում որեւէ լուծում պետք է ստանան. «Քանի լեգիտիմության խնդիր կա ՍԴ-ի նկատմամբ եւ չկա վստահություն, ապա ՍԴ-ն չի կարող գործել իր լիազորությունների շրջանակում»։

Փոխվարչապետի խոսքով՝ ՍԴ-ն պետական ինստիտուտ է, որի նկատմամբ պետք է հարգանք լինի. «Բայց չենք կարող աչք փակել այն բոլոր խնդիրների վրա, որոնք այնտեղ առկա են։ Կարծում եմ, որ շարունակաբար լուծումների վրա պետք է մտածել, որովհետեւ սա համընդհանուր խնդիր է եւ խնդիր է նաեւ ՍԴ-ի համար»։

Նշենք, որ ԱԺ անկախ պատգամավոր Արման Բաբաջանյանի կողմից ՀՀ գլխավոր դատախազին ներկայացված հաղորդման հիման վրա ՀՔԾ-ի նախապատրաստած նյութերով հարուցվել է քրեական գործ իշխանության Հրայր Թովմասյանի եւ մյուսների կողմից իշխանության զավթման առերեւույթ հանցագործության փաստի առթիվ: Նա նաեւ դիմել է ԱԺ խմբակցություններին, որ իր նախաձեռնությանը քաղաքական աջակցություն ստանալու հարցով: ԲՀԿ-ն եւ «Լուսավոր Հայաստանը» մերժել են, իսկ «Իմ քայլը» դեռ չի պատասխանել:

Հիշեցնենք, որ հոկտեմբերի 18–ին ԱԱԾ–ում բացատրություն են տվել Հրայր Թովմասյանի հայրը՝ 75–ամյա Վարդան Թովմասյանը եւ նրա երկու թոռնուհիները։

ԱԱԾ–ից պարզաբանել են, որ ԱԱԾ-ում նյութերի նախապատրաստման ընթացքում անհրաժեշտություն է առաջացել բացատրություն վերցնել մի շարք անձանցից, այդ թվում նաեւ ՍԴ նախագահ Հրայր Թովմասյանի մոտ ազգականներից: Երեկ էլ հայտնի դարձավ, որ ՀՀ հատուկ քննչական ծառայությունում հարուցվել է քրեական գործ Հրայր Թովմասյանի եւ մի խումբ պաշտոնատար անձանց կողմից պետական իշխանությունը յուրացնելու առերեւույթ հանցագործության դեպքի կապակցությամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դատարանները բոլոր իշխանությունների ժամանակ քավության նոխազ են եղել.Ալվինա Գյուլումյանը՝ դրանց ցածր վստահության մասին
Երբ խոսում ենք դատարանների անկախության մասին, չպետք է մոռանալ, որ իշխանության մյուս թեւերի ներկայացուցիչներն ուղղակի իրավունք չունեն դատարանի կայացրած ակտը քննադատել…
ՀՀ-ում օրենքի գերակայություն լինելու է.որևէ պաշտոնյայի մտքում չի պտտվելու «պատերով ծեփելու» սպառնալիքները.Արսեն Բաբայան
Հայաստանի Հանրապետությունում պետական իշխանությամբ օժտված բոլոր մարմիններում եւ բոլոր հանրային ծառայողների համար...
«Ով է լինելու Փաշինյանի իշխանության այլընտրանքը՝ իրական փոփոխություն առաջարկո՞ղը, թե՞ հերթական հույս վաճառող»
Անցած տարի Հայաստանում տեղի ունեցած իրադարձությունների հիմքում մեծ դերակատարում ուներ հույսի գործոնը...
«Հրապարակ». Կապ չունի, թե որ ամսին ես գնում Սեւան, եթե դու լողալ չգիտես. Աշոտյան
Անցյալ շաբաթ Փաշինյանի ուշադրության կենտրոնում Արցախյան հիմնահարցի կարգավորմանը...
«Երեւանի բյուջեի նախագիծը վերջին 5 տարիների կտրվածքով նախատեսում է ամենամեծ դեֆիցիտը». Դավիթ Խաժակյան
Աշխատավարձային ֆոնդը աննախադեպ ուռճացվել է՝ հասնելով սեփական եկամուտների շուրջ 40%-ին...
Թարգեք հեռվից բարձրաձայնելը. մոտ եկեք իրար, որ լսեք իրար. Թեւան Պողոսյան
Ո՞ր տնտեսական մոդելի հիմքն են դնելու 2020-ին, որ ու՞ր հասնենք 2050-ին...