News
Լրահոս
News
Ուրբաթ
Նոյեմբեր 15
USD
477.51
EUR
525.36
RUB
7.45
ME-USD
0.06
Տեսնել լրահոսը

Ցավով պետք է արձանագրենք, որ իշխանափոխությունից հետո երկրի բնականոն զարգացմանը վերաբերող, մեր կողմից բազմիցս բարձրաձայնված հիմնական մտահոգությունները հետեւողական կերպով դառնում են իրողություն, տեսանելի են դառնում նաեւ դրանց ահագնացող հետեւանքները: Այս մասին գրում է ՀՅԴ Բյուրոյի տնտեսական հետազոտությունների գրասենյակի ծրագրերի համակարգող, տնտեսագետ Թադեւոս Ավետիսյանը։

«Խոսքը վերաբերում է հանրային կյանքի հիմնական ոլորտներին՝ արտաքին քաղաքականությունից մինչեւ տնտեսություն, սոցիալական ու ժողովրդագրական հարցերից մինչեւ հանրային համերաշխություն, անվտանգությունից մինչեւ արդարադատություն, ընտանեկան ու ավանդական արժեքների պահպանումից մինչեւ ժողովրդավարական զարգացում:

Սխալ ընթացքը, շոշափելի ձախողումներն ակներեւ են: Հանրության մեծ ոգեւորությունը եւ փաստերի բերումով ձեւավորված զարգացման աննախադեպ մեծ ռեսուրսն ուղղակի, օրեցօր փոշիացվում է՝ իրական ծրագրերի ու թիրախավորված արդյունքների, հետեւաբար՝ քաղաքական լիարժեք պատասխանատվության բացակայության ֆոնին:

Հետեւողականորեն որդեգրվում է իշխանության կրողներին սրբադասելու, շարքային քաղաքացիներին առկա հիմնախնդիրների լուծման հիմնական պատասխանատու կարգելու, իսկ ձախողման դեպքում էլ մեղավոր համարելու արատավոր մոտեցումը:

Ի դեպ, այս ամենն էլ համակարգված ուղեկցվում է անսահման պոպուլիզմով եւ վիճակագրական հիմնական ցուցանիշների պարբերական մանիպուլիացիաներով: Հետաձգվում են իրական խնդիրների լուծումները, փոխարենը՝ հանրային կյանքում ներմուծվում են արհեստական օրակարգեր՝ իշխող քաղաքական ուժի կոնկրետ խոստումների կատարման ձախողումները պարտակելու համար:

Իսկ փաստն այն է, որ արտագաղթը շարունակվում է գրեթե նույն տեմպերով: 2019 թվականի 2-րդ եռամսյակում՝ 1-ին եռամսակի համեմատ 51500-ով նվազել է 15-75 տարեկան առկա բնակչության թիվը, որից 46400-ը գործազուրկներ են: Իսկ իշխանությունները սա ներկայացնում են՝ որպես գործազրկության մակարդակի կրճատում: Ի դեպ, 2019 թվականի 1-ին եռամսյակին՝ նախորդ տարվա նույն ժամանակահատվածի համեմատ գործազուրկների թիվն աճել էր 16 հազարով: Բացասական այս միտումների պարագայում էլ՝ 2018 թվականին զբաղվածության պետական ծրագրերի կատարողականը եղել է աննախադեպ ցածր՝ 25 տոկոս, որի հետեւանքով շուրջ 3000-4000 գործազուրկներ չեն ստացել հնարավոր պետական աջակցություն եւ չեն տեղավորվել աշխատանքի: Կարեւոր է իմանալ նաեւ՝ 2019 թվականին զբաղվածության պետական ծրագրերով աշխատանքի են տեղավորվել ամսական ընդամենը 140 աշխատանք փնտրողներ:

Հաջորդը, աշխատանքային կենսաթոշակի չափը չի բարձրանալու նաեւ 2020 թվականի պետական բյուջեով՝ նախատեսված է անփոփոխ թողնել կենսաթոշակի հիմնական չափը (14000 դրամ), ինչպես նաեւ մասնագիտական ստաժի 1 տարվա արժեքը: Պարտադիր կուտակային կենսաթոշակային համակարգի արմատական վերանայման խոստումը կատարելու փոխարեն՝ գործող իշխանությունները կոսմետիկ փոփոխություններով արմատավորեցին այն եւ լիարժեք գործադրում են՝ պետական բյուջեից այս ուղղությամբ ծախսերը կայուն ավելացնելով:

Մյուսը՝ ընտանեկան եւ սոցիալական նպաստների չափերը, շահառու ընտանիքների թիվը եւս նախատեսված է թողնել անփոփոխ՝ 37,7 միլիարդ դրամ, 100 հազար ընտանիք, 31442 դրամ նպաստի ամսական միջին չափ, որը գրեթե կրկնակի ցածր է մեկ անձի հաշվով կենսապահովման նվազագույն զամբյուղի ընթացիկ արժեքից:

Չի կատարվում նաեւ պետական հատվածի աշխատավարձերի համընդհանուր բարձրացման խոստումը: 2020 թվականի բյուջեում պետական համակարգի վարձատրության չափերը որոշող ցուցանիշը (բազային աշխատավարձի անվանական չափը) նորից մնալու է անփոփոխ՝ 66140 դրամ: Դրա փոխարեն՝ հաջորդ տարի եռապատկվելու են պարգեւատրման ֆոնդերը: Լրացուցիչ ֆոնդերից բարձրաստիճան պաշտոնյանները արդեն իսկ ամսական պարբերականությամբ ստանում են աննախադեպ չափերի պարգեւատրումներ՝ իրենց հիմնական աշխատավարձի շուրջ կրկնապատիկը:

Երկիրը համընդհանուր ճգնաժամի տանող բացասական այս երեւույթների ու դրանց իրական հետեւանքների շարքն այսքանով չի սահմանափակվում: Դրանց նույնպես կանրադառնանք հետագայում»,- գրում է նա:

Տպել
Կարդացեք նաև
Ամբողջը
Այս տարի գրանցվել է կապիտալի ներհոսք Հայաստանում եւ օտարերկրյա արժույթի լուրջ պահանջարկ. ԿԲ
Հայաստանում այս տարի գրանցվել է կապիտալի ներհոսք...
Խորենացի փողոցի տաղավարներից մեկում կասեցվել է թարմ մսի վաճառքը. ՍԱՏՄ
Երեւանի Խորենացի փողոցում եւ Գում-ի շուկայում մսի իրացմամբ զբաղվող տնտեսվարողները պարտավորվել են մինչեւ 2019թ, դեկտեմբերի 1-ը մասամբ...
ՊԵԿ-ի և Հայաստանի պետական տնտեսագիտական համալսարանի միջև հուշագիր է ստորագրվել
Այն կապահովի արդյունավետ փոխգործակցություն...
Հայաստանում ստանդարտացման նկատմամբ բիզնեսի հետաքրքրությունն աճել է. «Ստանդարտների ազգային ինստիտուտ»
Նա նկատեց, որ Հայաստանը որպես ԵՏՄ անդամ ստանձնել է որակի պահանջների իրականացման պարտավորությունները...
Դոլարի փոխարժեքն աճել է. եվրոն էժանացել է
Թանկարժեք մետաղների համար բանկի կողմից սահմանվել են հետեւյալ գները. արծաթ՝ 260.22 դրամ, ոսկի՝ 22,458.88 դրամ, պլատին՝ 13,310.45 դրամ...
Գյումրիում փուլ առ փուլ շահագործման կհանձնվի ավտոմեքենաների մաքսազերծման գործառույթն իրականացնող կառույցը. ՊԵԿ
ՊԵԿ նախագահ Դավիթ Անանյանն աշխատանքային այցով եղել է Գյումրիում...
Ֆոտոռեպորտաժներ