Գերմանիայի իշխող Քրիստոնեադեմոկրատական միության առաջնորդ, ԳԴՀ ՊՆ ղեկավար Անեգրետ Կրամպ-Կարենբաուերը կոչ է արել Սիրիայի հյուսիսում անվտանգության գոտի ստեղծել, որը կվերահսկվի միջազգային ուժերի կողմից։ Այս առաջարկությունը համաձայնեցվել է կանցլեր Անգելա Մերկելի հետ, DW-ին տված հարցազրույցում նշել է Կրամպ-Կարենբաուերը։

Նա խոստացել է այդ նախագիծը քննարկել NATO-ի երկրների պաշտպանության նախարարների հանդիպման ընթացքում, որը կկայանա Բրյուսելում, հոկտեմբերի 24-25-ը։ Բունդեսվերի հնարավոր մասնակցությունը պետք է հավանության արժանանա Բունդեսթագի կողմից։

Կրամպ-Կարենբաուերի խոսքերով, մինչ այժմ Գերմանիան եւ եվրոպական մյուս երկրները գործել են ինչպես «կողմնակի դիտորդներ»։