News
Լրահոս
News
Չորեքշաբթի
Նոյեմբեր 13
USD
477.4
EUR
526.81
RUB
7.46
ME-USD
0.06
Տեսնել լրահոսը

Ուժայինների հրաժարականները,- իսկ երկիրը հիմա ապրում է առանց ոստիկանության ղեկավարի, առանց ԱԱԾ ղեկավարի եւ առանց պետական անվտանգության ծառայության ղեկավարի,- լուրջ քաղաքական ճգնաժամ է: Լրագրողների հետ հանդիպման ժամանակ այսպիսի կարծիք հայտնեց քաղաքագետ, Կովկաս ինստիտուտի տնօրեն Ալեքսանդր Իսկանդարյանը:

Քաղաքագետի խոսքով՝ երբ հեղափոխություններ են կատարվում, ապա իշխանության են գալիս շատ տարբեր մարդիկ: «Հայաստանում հեղափոխության շարժիչը մի քանի տասնյակ մարդիկ էին, իսկ անհրաժեշտ են տասնյակ հազարավոր պաշտոնյաներ: Հասկանալի է, որ նրանք ուղեկցողների ուղեկցողներն են, որոնք անհրաժեշտ պահին անհրաժեշտ տեղում են հայտնվել: Մարդիկ, որոնք պատահաբար են հայտնվել իշխանության մեջ: Դե, մենք չէ՞ որ գիտենք, թե դա ինչպես է տեղի ունեցել: Այդպիսի մարդիկ չեն կարող հետո հակասության մեջ չհայտնվել: Կենցաղային բառապաշարով դա արտահայտվում է հետեւյալ արտահայտությամբ՝ հեղափոխությունը խժռում է իր զավակներին: Ինչպե՞ս է խժռում: Այ այսպես: Երբ իշխանության մեջ են հայտնվում մարդիկ, ովքեր եղել էին բողոքի մենեջերներ: Նրանք պետական կառավարման մասին ինչ-որ պատկերացումներ ունեն: Եվ ահա նրանք գալիս են ու սկսում ցուցումներ տալ պրոֆեսիոնալներին: Իսկ այդ պրոֆեսիոնալները այլ խմորի մարդիկ են՝ այլ կենսագրություններով: Նրանք սկսում են արգելակել վերեւից եկած հրահանգները, սկսվում է հակասությունը: Եվ նրանք դուրս են մղվում իշխանությունից: Սրանք դեռեւս ծաղիկներն են: Ամեն ինչ առջեւում է: Իշխանությունը կպառակտվի: Մարդիկ այնտեղից դուրս կգան: Սա իրադարձությունների բնական ընթացք է: Դե, ինչպե՞ս է հնարավոր 10 հազար մարդու հավաքել, եւ նրանք մեկ տարի հետո չվիճեն»,- նշեց Իսկանդարյանը:

Քաղաքագետն արձանագրեց, որ ժողովրդական լայն զանգվածները հեղափոխությունից այլեւս տնտեսական սպասումներ չունեն: «Մինչդեռ դա կար: Հեղափոխականներն ուղիղ չէին ասում, որ մենք կգանք, եւ այստեղ Շվեյցարիա կդառնա: Բայց նրանք ասում էին «Մերժիր Սերժին», այսինքն՝ շեշտը դրվում էր նրա վրա, ում պատճառով վատ է: Հույսերը նվազում են»,- նկատեց քաղաքագետը:

Խոսելով կալանավորումների մասին՝ Իսկանդարյանը հիշեց «հացի եւ տեսարանների» հայտնի արտահայտությունը: «Սա էլ կդադարի գործել: 70 կալանավորումից հետո մարդակց սա եւս կսկսի ձանձրացնել»,- կանխատեսեց Իսկանդարյանը:

Ինչ վերաբերում է տնտեսական աճին, ապա քաղաքագետը հիշեցրեց, որ այն սկսվել է 2017 թվականից եւ շարունակվում է: «Բայց երբ ես խոսում եմ սպասումների մասին, դրանք միանգամայն այլ բնույթի են: Նման կարգի փոփոխություններ տնտեսության մեջ չեն լինում: Չի կարելի կոճակը սեղմել եւ Զիմբաբվեն դարձնել Շվեյցարիա, եւ հակառակը»,- ամփոփեց Ալեքսանդր Իսկանդարյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ժողովուրդ». Հրաժարում հրաժարականից․ ինչ են հորդորել Հայկ Հովհաննիսյանին
Գ. Հարությունյանին հորդորել են Հովհաննիսյանին չբերել ԲԴԽ, բայց նա չի լսել...
ԱԺ հերթական նիստերի օրակարագում 36 հարց է. կքննարկվի 2020 թվականի բյուջեն
Կոռուպցիայի կանխարգելման հանձնաժողովի անդամների ընտրության հարցը կքննարկվի...
«Ժողովուրդ». Հերթական հայցը` վարչապետի աշխատակազմի դեմ
Հոկտեմբերի 11-ին էլ «Ժողովուրդ» օրաթերթը տեղեկացրել էր, որ ՀՀ վարչական դատարան է դիմել...
«Ժամանակ». ՏԻՄ ընտրությունները՝ փորձաքար նոր ընդդիմության ձեւավորման համար
Սակայն այդ նույն կուսակցությունները զլանում եւ ավելորդ են համարում մասնակցել ՏԻՄ ընտրություններին, ունենալ արդար ընտրությունների միջոցով ընտրված գեթ մեկ համայնքապետ…
«Հրապարակ». «Վարչապետը որեւէ սխալ բան չի ասել. որտեղ որ գրված է, այնտեղ էլ եղել է»
Այցը մասնավոր էր, եւ պետք է հարգել մարդու մասնավոր կյանքը...
«Ժամանակ». Ինչպիսին կլինի Մոնումենտում նախկինների ապօրինի կառուցված շենքերի ճակատագիրը. Քրգործի մանրամասները՝ շուտով
Ինչպես հայտնի է, այդ տարածքում բնակարաններ ունեն կառուցած նախորդ իշխանության ամենաբարձրաստիճան...
Ֆոտոռեպորտաժներ