News
Լրահոս
News
Երեքշաբթի
Նոյեմբեր 12
USD
477.22
EUR
526.33
RUB
7.47
ME-USD
0.05
Տեսնել լրահոսը

Վճռաբեկ դատարանի նախկին նախագահ Արման Մկրտումյանի առանձնատան վրա հարձակման գործով Մկրտումյանի նկատմամբ քրեական հետապնդում չիրականացնելու որոշումը բողոքարկվել է Վերաքննիչ դատարան:

Հիշեցնենք, որ Երևան քաղաքի ընդհանուր իրավասության դատարանը՝ նախագահությամբ դատավոր Վարդան Գրիգորյանի, հուլիսին մերժել է Մկրտումյանի առանձնատան վրա հարձակման գործով ամբաստանյալ Հովհաննես Ռիժենկոյի պաշտպան Արման Արզումանյանի բողոքը:

Վերաքննիչ դատարանում՝ դատավոր Արմեն Բեկթաշյանի նախագահությամբ այսօր կայացավ բողոքի քննությունը։ Մեղադրող դատախազ Վարդգես Սարգսյանն իր խոսքում նշեց, որ Մկրտումյանների կողմից անհրաժեշտ պաշտպանության սահմանազանցում տեղի չի ունեցել և առանձնատան գործով անցնող անձի ոտնձգությունը չկանխելն անխուսափելիորեն կբերեր ծանր հետևանքների առաջացման: Դատախազի խոսքով՝ Արման Մկրտումյանի առանձնատան բակում առկա տեսախցիկների ֆիքսած տեսանյութերից ակնհայտ է, որ հարձակումը Ռիժենկոյի կողմից դադարած չի եղել, և Արման և Գոռ Մկրտումյանի կողմից նրան նույնիսկ ավելի ծանր վնաս հասցնելու դեպքում տեղի չէր ունենա անհրաժեշտ պաշտպանության սահմանազանցում: Վարդգես Սարգսյանը հեքիաթ որակեց Արման Մկրտումյանի առանձնատան վրա հարձակման գործով անձանց պնդումներն այն մասին, թե նրանք ինքնաձիգերով գնացել են շներին ոչնչացնելու կամ հանրօգուտ աշխատանքով զբաղվելու համար: Ըստ Վարդգես Սարգսյանի՝ պաշտպան Արզումանյանի պնդումները սուբյեկտիվ դատողություններ են, որոնք չեն բխում գործի նյութերից, ուստի ներկայացված բողոքը պետք է մերժել՝ նկատի ունենալով, որ Երևանի ընդհանուր իրավասության դատարանի կողմից կայացված որոշմամբ նյութական և դատավարական իրավունքի խախտում թույլ չի տրվել: Այսպիսով այսօրվա դատական նիստը հետաձգվեց:

Հիշեցնենք, որ Վճռաբեկ դատարանի նախկին նախագահի առանձնատան վրա հարձակումը տեղի է ունեցել 2018 թվականի օգոստոսի 28-ին: Մկրտումյանն ու որդին՝ Գոռ Մկրտումյանը, անձամբ են վնասազերծել իրենց բակ մուտք գործած անձանց: Վերջիններս գործով տուժողի կարգավիճակ ունեն:

Պաշտպան Արման Արզումանյանը, սակայն, կարծում է, որ դեպքի օրը Արման Մկրտումյանի գործողությունները դուրս են եկել անհրաժեշտ պաշտպանության շրջանակներից:

Նշենք, որ Արման Մկրտումյանի առանձնատան վրա հարձակման բուն գործն արդեն դատարանում է, ամբաստանյալի կարգավիճակ ունի երեք անձ` Հովհաննես Ռիժենկոն, Գագիկ Դանոյանը և Մայիս Մկրտչյանը, որոնք մեղադրվում են ավազակային հարձակման, ապօրինի զենք պահելու և սպանության փորձի մեջ:

Տպել
Կարդացեք նաև
Ամբողջը
«Օրենքով գող» Պզոյի թիկնապահի քրգործը դատարանում է
Մեղադրանք է առաջադրվել՝ ՔՕ-ի 258-րդ հոդվածի 3-րդ մասի 2-րդ կետով․․․
Սյունիքի Ախլաթյան գյուղին հարակից սարում հրդեհը մեկուսացվել է. հերթապահություն է սահմանվել (ֆոտո)
Հրդեհաշիջման աշխատանքներին մասնակցել են 28 հրշեջ-փրկարար, Սիսիան համայնքի 42 բնակիչ, «Հայանտառ» ՊՈԱԿ-ի «Սիսիանի անտառտնտեսություն» մասնաճյուղի 6 աշխատակից եւ Սիսիան համայնքից 8 ավտոմեքենա...
Երեւանում թալանել են ԱԺ «Իմ քայլի» պատգամավորին. նրա մեքենայից գողացել են մի քանի հազար դոլարանոց «Ռոլեքս» ժամացույցը
Փաստի առթիվ ոստիկանության Արաբկիրի բաժնի հետաքննչական բաժանմունքում նյութեր են նախապատրաստվում...
«Կեռի յալ»-ում հրդեհը տարածվել է դեպի «Լոբուց գոմեր» կոչվող հանդամաս. 6 օր անց հրդեհը դեռ չի մարվել
Ժամը 18:30-ին մթության եւ բարդ ռելիեֆի պատճառով հրդեհաշիջման աշխատանքները դադարեցվել են, տեղում «Հայանտառ» ՊՈԱԿ-ի Արծվաբերդի...
Մտել է դեղատուն, դանակով սպառնացել աշխատակցուհուն եւ հափշտակել փողերը. բացահայտում
Միջոցառումները շարունակվում են հանցագործության գործիք դանակն ու գողոնը հայտնաբերելու ուղղությամբ…
Գուգարքում սկսված ապօրինի ծառահատումն ավարտվեց Սպիտակում. ինչ է ասել մանթաշցին
Նյութերի նախապատրաստման ընթացքում Գուգարքի բաժնի համայնքային ոստիկաններին 30-ամյա մանթաշցին բացատրություն է տվել...
Ֆոտոռեպորտաժներ