News
Լրահոս
News
Երեքշաբթի
Նոյեմբեր 12
USD
477.22
EUR
526.33
RUB
7.47
ME-USD
0.05
Տեսնել լրահոսը

«Հրապարակ» թերթը գրում է. «ԱԺ աշխատակազմի ղեկավարի նախկին տեղակալ Արսեն Բաբայանին առաջադրված մեղադրանքը վերաբերում է նրան, որ Գագիկ Հարությունյանի հրաժարականի դիմումը, որը ստացվել է 2018 թվականի մարտի 2-ին, աշխատանքային օրվա ավարտին ԱԺ ընդհանուր բաժնի արդեն նախկին պետը՝ Ռուզաննա Արզումանյանը, անմիջապես չի գրանցել համակարգում, այլ արել է երկուշաբթի օրը՝ մարտի 5-ին։

Եվ այդ եռօրյա ժամկետը ՀՔԾ-ն գնահատել է որպես խախտում ու այդ հիմքով նախ ցուցմունք է կորզել Արզումանյանից, որ նա գործել է Արսեն Բաբայանի ցուցումով, ապա մեղադրանք է առաջադրել Բաբայանին։

«Ռուզաննա Արզումանյանն ամիսներ առաջ կենսաթոշակի է գնացել եւ այլեւս չի աշխատում ԱԺ-ում։ Իսկ ինչո՞ւ է հենց Արսեն Բաբայանի դեմ ցուցմունք տվել, այլ ոչ թե, ասենք, Արա Սաղաթելյանի՝ ԱԺ աշխատակազմի ղեկավարի։ Բանն այն է, որ ընդհանուր բաժինը գործել է ոչ թե ԱԺ աշխատակազմի ղեկավարի, այլ տեղակալի կուրացիայի տակ։

Ի դեպ, Արզումանյանի հետ երկար տարիներ աշխատած մեր զրուցակիցները պատմեցին, որ տիկինը մշտապես աչքի է ընկել իր «դնջությամբ» եւ հաճախ է ուշացրել կարեւոր գրությունները»,-գրել է թերթը։

Թերթը hավելել է, որ չնայած այն փաստին, որ Ռուզաննա Արզումանյանին տեսել էին Հատուկ քննչական ծառայությունում եւ վստահ են, որ հենց նա է ցուցմունք տվել Արսեն Բաբայանի դեմ՝ նպաստելով վերջինիս ձերբակալությանը, նա թերթի հետ զրույցում կտրականապես հերքել է գործող իշխանությունների հետ իր համագործակցության մասին լուրերը։

Արզումանյանի հետ «Հրապարակ»-ի հարազրույցը՝ ստորեւ.

-Տիկին Արզումանյան, տեղյակ եք, որ ՀՔԾ-ում գործ է հարուցվել, եւ այդ շրջանակներում նախօրեին ձերբակալել են Ձեր նախկին վերադաս Արսեն Բաբայանին։

-Ոչ, տեղյակ չեմ, ես թոշակի մեջ եմ եւ ոչ մի բանից տեղյակ չեմ։

-Մինչդեռ կան տեղեկություններ, որ Դուք «աջակցել» եք իրավապահներին․ որեւէ բացատրություն կամ ցուցմունք տվե՞լ եք ՀՔԾ-ում․․․

-Որեւէ, որեւէ բանից տեղեկություն չունեմ, ես թոշակի եմ անցել, որեւէ տեղեկություն չունեմ, ես լսեցի, նայեցի հեռուստացույցով եւ հեռուստացույցից եմ իմացել։

-Դուք Բաբայանի դեմ ցուցմունք չե՞ք տվել, որ նա է Ձեզ պարտադրել փոխել Գագիկ Հարությունյանի դիմումի ամսաթիվը, գրել, որ հետին թվով եք մուտք արել ԱԺ ընդհանուր բաժին։

-Դուք բառեր եք ասում, որ ես պնդում եմ՝ որեւէ տեղեկություն չունեմ այդ բանի առիթով։

-Ձեզ չե՞ն հարցաքննել։

- Ոչ, ոչ։

-Դուք բացատրություն չե՞ք ներկայացրել նշածս փաստով։

-Որեւէ տեղեկություն չունեմ այդ գործից։

- Բայց գրե՞լ եք բացատրություն։

-Ոչ։

-Իսկ որեւէ մեկին պատմե՞լ եք, որ, իբր, Արսեն Բաբայանը Ձեզ պարտադրել է։

- Ոչ, ոչ եւ ոչ։

-Իսկ հնարավո՞ր է, որ ինչ-որ մեկը Ձեր անունից այդ տեղեկությունը տար։

-Ոչ, բոլորովին, ո՞վ պետք է գրած լինի, ում ուզում եք՝ գնացեք հարցրեք։

-Տարօրինակ է, որ չեք հիշում՝ այդ դիմումի հետ կապված խնդիրներ ծագե՞լ էին, թե՞ ոչ։

-Չեմ հիշում․ ես ինչքան ժամանակ է՝ թոշակի մեջ եմ»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Դուք ձախողակ եք, պարոն նախարար»․ ՀՀԿ-ի երիտասարդական կազմակերպության անդամները դատարկ ճամպրուկ էին բերել ԱԳՆ
Ձերբազատվեք ակնհայտ հակառուսական ուղղվածություն ունեցող եւ ձեր իշխանության մաս կազմող գործիչներից․․․
«Իմ քայլի» պատգամավորն Արայիկ Հարությունյանին հիշեցնում է ցորենի արտերի համար ծեծվող զինվորների մասին
Արայիկ Հարությունյանի ասուլիսները լսում եմ մտքերի մեջ եմ ընկնում. կարող է հիշողությունս փայլատակել է...
Պարոնայք պառազիտներ, խորհուրդ եմ տալիս վալերյանկա գնել. Սիփան Փաշինյան
Իջեւանում քարը քարին չդրած, Իջեւանի ժողովրդի եւ քաղաքապետարանի հաշվին ունեցվածք դիզած մի քանի հոգի հոգեխանգարման մեջ են ընկել՝ կատարվող աշխատանքներից, եւ գլխակորույս փորձում են ձեզ հայտնի...
«Ժողովուրդ». Բալասանյանը վախենալու բան ունի՞․ Հաշվեքննիչը՝ Գյումրիի քաղաքապետարանում
Մեր աղբյուրները փոխանցում են, որ քաղաքապետ Սամվել Բալասանյանն իր շրջապատում հայտարարել է, որ...
«168 ժամ». Առողջապահության նախարարությունում նոր սկանդալ է հասունանում
Նրանք ցանկանում են վարչապետին տեղյակ պահել նախարարությունում կատարվող գործընթացների մասին...
«168 ժամ». Միրզոյան-Սիմոնյան ներքին մրցակցություն. Դա երբեմն ստացել է զավեշտալի դրսեւորումներ
Հայտնի է, որ մինչեւ հիմա երկու երկրների խորհրդարանների ղեկավարների միջեւ ...